اې سپېڅلې مدینې !!!  اې سپېڅلیه ښاره چې زموږ پیغمبر ﷺ ته مو په خلاصه غېږه ښه راغلاست ووایه او ملاتړ مو ترې وکړ. په یاد مو دي چې مسلمانانو څه ډول شکنجې وزغملې او د مکې - چېرته چې زموږ خوږ پیغمبر ﷺ زیږېدلی - پرېښودلو ته اړ ایستل شول، هغه ښار چې په ګاونډ کې یې د الله سبحانه و تعالی له لوري د وحې رالېږل پیل شول! هغه ښار چې د بشر په تاریخ کې د لومړي ځل لپاره پکې خلکو ته قران کریم تلاوت شو! هغه ښار چې پکې د مسلمانانو د وینې لومړني څاڅکې تویې شول! هغه ښار چې ډېری اوسېدونکو یې له ګمراهۍ وروسته سرلوړي شول. اې سپېڅلې مدینې! د مسلمانانو د سوکالۍ هغه له خونده ډکې ورځې دې په یاد دي چې الله سبحانه و تعالی دې د اوسېدونکو په زړونو کې ښېګڼه او نېکي واچوله او تا په بشپړه توګه بدلون وکړ؛ د اسلام په واسطه لویه او پیاوړې شوې. له هغه وخت راهیسې، ته ټولې نړۍ ته د اسلام د خپرېدو د اتکا ټکی شوې.

اې سپېڅلې مدینې! ته په هغه ښار بدله شوې چې راشده خلفا پکې واکمن وو. د الله سبحانه و تعالی د اوامرو او پیغمبر ﷺ د سنتو کلکه پیروي یې کوله، دغو حاکمانو د اسلام رڼا ډېرو هېوادونو ته ورسوله. دغه وخت ته زموږ خوږ پيغمبر محمد ﷺ فرمایی:  

«الخلافة على منهاج النبوة»

خلافت به د نبوت پر منهج وي

د راشده خلفاوو تر واکمنۍ وروسته، د نورو خلفاو له نیمګړتیاوو او کمزوریو سره سره، خلافت پاتې شو او د نړۍ ګوټ ګوټ ته یې د اسلام خپرولو ته دوام ورکړ. خلافت د مسلمانانو کور و، هلته شریعت  پلی کېده، غلامان ازادېدل او خلکو یوازې د الله عبادت کاوه؛ په دغه کور کې علم او پوهې د خلکو د ګټې لپاره وده کړې وه. دغه دولت تر دې وروستیو دوام وکړ،  بیا کافر اشغالګر پر دې بریالي شول چې خلافت ړنګ کړي، په دې وخت کې مسلمانان په ډېر بد وضعیت کې وو.

اې خلافته! کله چې ته وې، مسلمانانو یو مدافع او کور لاره، مسلمانان په نړۍ کې دومره بې کوره او بې اوره نه وو، لکه نن چې یهود سپکاوی ورته وکړي او د دفاع څوک یې نه وي. نن چې ته نشته یې، هر څوک هڅه کوي چې اسلام ته سپکاوی وکړي او مسلمانان ووژني. حتا زموږ حکام له اسلامه کرکه کوي او موږ د دې لپاره ځوروي چې خپل غربي او شرقي باداران خوشاله کړي.

اې خلافته! کله چې ته وې، نه دې پرېښودل چې درواغجن او نامردان قران تحریف کړي. نن جاهل، درواغجن او ډارن د پیغمبر ﷺ  منبر ته پورته کېږي او د مقتدرو حکامو لپاره قران تحریفوي؛ لکه د ازبکستان په تاشکند کې. په دې وروستیو کې د تاشکند یوه لوی امام، انور کوری تورسونوف،  د مارچ په ١۶مه د منار په مسجد کې د جمعې په خطبه کې ویلي: « په قران کې هېڅ داسې ایت نشته چې د خلافت د تاسیس غوښتنه پکې شوې وي.»

اې خلافته!  کله چې تا پر مسلمانانو حکمراني کوله، هېڅ داسې کافران، مېرمنې او شهوت پرسته خلک نه وو چې سیکولرېزم پلی کړي؛ لکه اوس یې چې ټول مسلمان حکام کوي.

اې خلافته! کله چې ته وې، هېڅ کوم مسلمان حاکم د دې زړه نشوای کولای چې له اشغالګر کافر سره ملګري وکړي، لکه څنګه چې اوس یې د ترکیې ولسمشر اردغان کوي. اردوغان، خپلې الګو مصطفی کمال اتاترک- چې د خلافت په له منځته وړلو کې یې خپله ټوله هڅه وکړه- ته تعظیم وکړ. مصطفی کمال، انقره خپل د مېشتې ځای وټاکه او له دغه ځایه یې د خلافت پر وړاندې دسیسې جوړولې. د روان کال د اپرېل پر ۳مه، اردوغان په انقره کې خپلو ملګرو، روحاني او پوتین ته د مسلمانانو په ضد غېږه پرانیسته.

اې خلافته! هغه وخت چې ته وې، هېڅ کوم کافر نشوای کولی چې مسلمان ماشوم شکنجه او ووژني. نن، اشغالګر کفار په کیمیاوي وسلو سره په سوریه کې ماشومان وژني، په افغانستان کې د قران د حافظانو پر مدرسو بمبار کوي، بې شمېره ماشومان په برما کې وژني! او دا هرڅه د مسلمانانو د حکامو په خوښه کېږي.

اې خلافته! کله چې ته وې، مسلمانانو بیت المقدس فتح کړ. هغه ښار چې زموږ خوږ پیغمبر ﷺ ترېنه اسمان ته پورته شو او هغه ځای چې د مسلمانانو لومړنۍ قبله وه! نن چې ته نشته یې، کافرو یهودو د مسلمانانو لومړنۍ قبله غصب کړې، د یوه منظم پلان له مخې یې د فلسطین مسلمانان له مخې لرې کوي او په سیمه کې یې ټولې ځمکې نیولې.

اې خلافته! مسلمانانو یو ځل د خپلو ډېرو کړاوونو او ستونزو په وخت کې تقریبا هېر کړی وې او د خپلو ستونزو حل لاره یې په اسلام او خلافت کې نه؛ بلکې په نورو فکرونو کې لټوله. خو الله تعالی د محمد ﷺ د امت پر یوه بچي مهربانه شو او هغه دغه نعمت او د مسلمانانو د ټولو ستونزو حللاره له خپلو ملګرو سره شریکه کړه. دغو ملګرو دا پرېکړه وکړه او د اصحابو غوندې یې د محمد ﷺ پلونه وڅارل، یوه ډله یې جوړه کړه او د خلافت پر منهج د دویم ځل خلافت د تاسیس لپاره یې غږ اوچت کړ، هغه څه چې زموږ د خوږ پیغمبر ﷺ له لوري یې وعده شوې:

(ثُمَّ تَكُونُ مُلْكاً جَبْرِيَّةً فَتَكُونُ مَا شَاءَ اللهُ أَنْ تَكُونَ ثُمَّ يَرْفَعُهَا إِذَا شَاءَ أَنْ يَرْفَعَهَا ثُمَّ تَكُونُ خِلَافَةٌ عَلَى مِنْهَاجِ النُّبُوَّةِ ثُمَّ سَكَتَ)

(... بیا به جبریه واکمني وي او تر هغه به دوام کوي چې الله غوښتني وي او کله چې الله وغواړي لرې یې کړي بیا به لرې شي او بیا به د نبوت پر منهج خلافت وی او (راوي وایي) بیا یې سکوت وکړ.)

اې خلافته! د پیغمبر ﷺ د پیغام له احیا سره، په میلیونونو مسلمانانو ستا په اړه واورېدل او ورپه یاد شوې! او اوس په ټوله نړۍ کې میلیونونه مسلمانان ستا راتلو ته بې کراره دي، پر دې سربېره دوی ستا د بیا راتګ لپاره خپله ټوله هڅه کوي.

اې خلافته! موږ الله ته دا دعا کوو چې بېرته ژر راشې! موږ له الله سبحانه و تعالی څخه دا غواړو چې د خلافت پر منهج د دویم ځل لپاره خلافت تاسیس کړي! اې خدایه ته مرسته راسره وکړې!

ایلدر خمزین

د حزب التحریر مرکزي مطبوعاتي دفتر غړی

ژباړه: احمد خالد