- مطابق
(ژباړه)
السلام علیکم و رحمت الله وبرکاته
عزتمنو خویندو او وروڼو! اختر مو مبارک شه!
موږ د حزب التحریر مرکزي مطبوعاتي دفتر د ښځو له برخې ځانګړې مبارکي درته وایو!
الله سبحانه و تعالی خو مو روژه، عبادتونه او ټول نېک عملونه قبول کړي او تاسو، ستاسو کورنیو او ملګرو ته یې خیر او برکت درکړي.
په دې کې شک نشته چې زموږ د شپې لمونځونه او روژې داسې ځانګړی قدرت لري چې توصیفېدی نه شي!
رمضان داسې میاشت ده چې په هغې کې مو تواضع او د عمل اراده ځانګړی ځواک پیدا کوي. ځکه خو رمضان د مسلمانانو لپاره له فردي اړخه له بریاوو ډکه میاشت وي. رمضان په فردي کچه له بریاوو ډکه وي، ځکه چې په هغې په فردي کچه پر مکلفیتونو پایبندي او عمل زیاتېږي؛ خو کله چې دا چاره بریاوو، خوشالیو او سعادت پورې اړوندېږي، امت په ټوله کې ګته ترې اخیستی شي.
هو، د یوه جسم او ځان په توګه؛ خو د تېرو ۱۰۳ کالونو په رمضان میاشتو کې مو دا نه ده لیدلې او سبب یې دا دی چې د خپلو مهمو مکلفیتونو په ترسره کولو کې مو غفلت کړی؛ هغه مکلفیت چې خورا اړین دی او ډیر وخت نیسي. یعنې د ځمکې پر سر د الله سبحانه و تعالی د نظام حاکمولو لپاره یو ځای او رسول الله صلی الله علیه وسلم پر منهج فعالیت کول؛ دا فردي نه، بلکې جمعي مکلفیت دی!
د دغه مهم مکلفیت په ترسره کولو کې غفلت د بې شمېره رنځونو او دردونو سبب شوی، دومره چې له حده وتلي او د امت تر نسلوژنې رسېدلي! موږ دا درد او رنځ په ختیځ ترکستان، کشمیر، هند او د نړۍ هر کونج کې وینو؛ خو په غزه کې نسلوژنه په پوره جسارت روانه ده. لیبرال غربي نظامونه، یعنې د اسلام دښمنان د دغې نسلوژنې پوره ملاتړ کوي!
ګرانو مسلمانانو! په ځانګړي ډول تاسو چې د مسلمانانو په پوځونو کې یئ او شپې مو په قیام تېرې کړې! د دې لپاره چې ژوند کوو، د تر ټولو غوره امت مقام لرو او د تر ټولو لویو بریاوو ترلاسه کولو وړتیا لرو؛ پر موږ لازمه ده چې له فردي مکلفیتونو پښه وړاندې کېږدو.
پر موږ لازمه ده چې د ټولنې، تول امت او ټول بشریت پر وړاندې خپل مکلفیتونه ادا کړو.
د خپلو ځواکونو، قدرت او وخت په یو موټي کولو د دغه جمعي مکلفیت د ادا کولو لپاره پورته شئ! زموږ په خاورو کې د حاکمو خاینو نظامونو په له منځه وړلو زموږ خاورې، صفونه، اخترونه او خوشالۍ یو ځای کړئ. یو موټی شئ چې ټول بشریت له هغې نسلوژنې سره د یوه دردېدلي او ځورېدلي امت مبارزه وویني چې د غربي ځواکونو او نظامونو په ملاتړ روانه ده!
نو، ټول بشریت د اسلام د ریښتیني رحمت تر سیوري لاندې وژغورئ او عزتمند یې کړئ! دا کار د نبوت پر منهج ثاني راشده خلافت په تاسیس وکړئ؛ دا د الله سبحانه و تعالی وعده او د رسول الله صلی الله علیه وسلم زېری دی. او هغه ورځ (د نصرت او بري ورځ) مومنان خوشاله کېږي.