اے مسلم افواج!

غدار حکمرانوں سے تعلقات منقطع کریں اور غزہ کی حمایت میں حرکت میں آئیں

خبر:

الجزیرہ نے 8 ستمبر 2024 کو رپورٹ کیا، " 'اسرائیل' نے تمام سرحدی گزرگاہیں اردن کے ساتھ بند کر دی ہیں، جب ایک مسلح شخص نے مقبوضہ مغربی کنارے اور اردن کے درمیان واقع کنگ حسین (اللنبی) پل کی سرحدی گزرگاہ پر تین سرحدی محافظوں کو ہلاک کر دیا۔ بعد میں، اتوار کو اردن کی وزارت داخلہ نے مبینہ حملہ آور کی شناخت ماہر دیاب حسین الجازی کے نام سے کی، جو اردن کے جنوبی معان صوبے کے حسینیہ علاقے کا رہائشی تھا۔" حوالہ

تبصرہ:

1948 میں ہیرو ماہر الجازی کے قصبے نے قابض طاقتوں سے لڑنے کے لیے فوجیں فراہم کیں۔ مشہور حدیثہ الجازی وہ لیفٹیننٹ جنرل تھے جنہوں نے 1968 میں یہودی وجود کے خلاف کرامہ کی جنگ کی قیادت کی۔ انہوں نے اعلان کیا, "إذا أردت الانتصار اقطع الاتصال مع العملاء"  "اگر تم فتح چاہتے ہو تو ایجنٹوں سے رابطہ منقطع کر دو۔" مشہور الجازی نے قابض طاقتوں کے ساتھ وادی عربیہ معاہدے کو مسترد کر دیا تھا۔ مشہور الجازی کے سنہرے الفاظ آج پہلے سے زیادہ سچے ہیں۔ مسلمانوں کے حکمران، جو مغرب اور قابض طاقتوں کے حقیقی ایجنٹ ہیں، غزہ اور مغربی کنارے میں مسلمانوں کے قتل عام کی مہم میں قابض طاقتوں کی مدد کر رہے ہیں۔ یہ ایجنٹ امت کو دھوکہ دیتے ہیں، اقوام متحدہ اور مغربی دنیا سے مداخلت کی اپیلیں کرتے ہیں۔ ایجنٹ حکمران ہماری مسلح افواج کو روکتے ہیں جبکہ قابض افواج کو ان کے قتل عام کے لیے ضروری سپلائیز فراہم کرنے کے لیے زمینی، بحری اور فضائی راستے فراہم کرتے ہیں۔

ہماری مسلح افواج کی طرف سے کسی بھی کارروائی کے بغیر، امت کے مخلص افراد اور گروہ آگے بڑھ چکے ہیں۔ مسلمان مصر اور اردن سے مقبوضہ علاقوں میں سرحد پار کرنے کی مسلسل کوششیں کر رہے ہیں۔ ہلکے ہتھیاروں کے ساتھ، مخلص مسلمانوں نے قابض افواج کی کمزوری کو ہماری افواج کی نظروں کے سامنے بے نقاب کر دیا ہے۔ قابض افواج صرف غیر مسلح خواتین اور بچوں سے لڑ سکتی ہیں۔ بزدل قابض وجود مسلمانوں کی کسی مسلح فوج کے سامنے یا اس کے کسی حصے کے سامنے بھی کھڑے ہونے کے قابل نہیں۔ چاہے یہودی مسلمانوں کو کتنا ہی نقصان پہنچائیں، یہ صرف ایک چھوٹی سی "تکلیف" ہوگی، جس کے بعد بزدل قابض وجود شکست کھا جائیں گے۔

اللہ سبحانہ و تعالیٰ فرماتا ہے:

﴿لَن يَضُرُّوكُمْ إِلَّا أَذًى وَإِن يُقَاتِلُوكُمْ يُوَلُّوكُمُ الْأَدْبَارَ ثُمَّ لَا يُنصَرُونَ﴾

"وہ تمہیں صرف تھوڑا سا نقصان پہنچا سکتے ہیں، اور اگر وہ تم سے لڑیں گے تو اپنی پیٹھ پھیر لیں گے اور پھر ان کی کوئی مدد نہ کی جائے گی۔"

[آل عمران: 111]

اے مسلم افواج!

ماہر الجازی اور مشہور الجازی سے سبق حاصل کرو۔ ان ایجنٹوں سے رابطہ منقطع کرو جو مسلمانوں پر حکمرانی کرتے ہیں۔ وہ مسلمانوں کے بدترین دشمنوں کے ساتھ جا ملے ہیں۔ کیا تم قیامت کے دن اللہ سبحانه و تعالى کے سامنے ان حکمرانوں کے ساتھ کھڑا ہونا پسند کرو گے، یا تم شہید ماہر الجازی کے ساتھ کھڑے ہونا پسند کرو گے؟ یہ ایجنٹ تمہاری محنت کو ایسی چیزوں میں ضائع کر رہے ہیں جو نہ تمہیں دنیا میں فائدہ دیں گی اور نہ آخرت میں بچا سکیں گی۔ بلکہ ان کی غداری تمہیں مبارک سرزمین کی آزادی اور اس کے لوگوں کی نصرت کے فرض سے روکتی ہے، جس کے بارے میں تم سے روزِ قیامت سوال کیا جائے گا۔

تو اللہ کے سامنے اپنے جواب کی تیاری کرو، یا ان ایجنٹوں کو ہٹا دو، ان کی غلاظت اور خیانت سے خود کو پاک کرو، اور ایک ایسی ریاست کا اعلان کرو جو تمہارے درمیان اسلام کو نافذ کرے اور دنیا تک ہدایت اور روشنی کا پیغام لے کر جائے۔ یہی وہ ریاست ہے جو تمہیں دنیا اور آخرت دونوں میں اللہ کی خوشنودی حاصل کرنے کی طرف راغب کرتی ہے، اور تمہاری افواج کو تمام اسلامی سرزمینوں، نہ صرف فلسطین کی آزادی اور مظلوموں کی حمایت کے لیے متحرک کرتی ہے، بلکہ یہ وہ اسلامی ریاست ہے جو اللہ کو راضی کرے گی، یعنی خلافتِ راشدہ جو نبوت کے نقش قدم پر قائم ہوگی۔

ارشاد باری تعالی ہے:

﴿يَا أَيُّهَا الَّذِينَ آمَنُوا اسْتَجِيبُوا لِلَّهِ وَلِلرَّسُولِ إِذَا دَعَاكُمْ لِمَا يُحْيِيكُمْ﴾

“اے ایمان والو! اللہ اور رسول کی پکار پر لبیک کہو جب وہ تمہیں بلائیں اس چیز کی طرف جو تمہیں زندگی بخشے۔”[الانفال: 24]

ولایہ پاکستان میں حزب التحریر کے مرکزی میڈیا آفس کے ریڈیو کے لیے محمد عبداللہ کی تحریر