Wednesday, 01 Jumada al-Awwal 1445 AH corresponding to 15 November 2023 CE

 

 

1- فلسطینی مسلمانوں سے محض اظہار یکجہتی کی قراردادیں الٹا یہودی وجود کو قائم رکھنے کے مترادف ہے

 

 

یکم نومبر کو سینٹ آف پاکستان نے ایک قرارداد منظور کی جس میں 'اسرائیل' کی حمایت کرنے والے ممالک کے دوہرے معیار اور منافقت کی مذمت کرتے ہوئے فلسطین کے مظلوم عوام کے ساتھ مکمل یکجہتی اور حمایت کا اظہار کیا گیا۔ اس متفقہ قرارداد کے متن نے ثابت کیا کہ یہ 'جمہوری' ادارہ درحقیقت اللہ، اس کے رسولﷺ اور امت مسلمہ کی نمائندگی نہیں کرتا،  ورنہ مذمت، یکجہتی اور سیاسی و اخلاقی حمایت کی جگہ افواج پاکستان کو ارض مقدس فلسطین کو یہودی نجس وجود اور اس کےشیطانی جرائم سے پاک کرنے کے لیے جہاد کرنے کا مطالبہ کرتا کیونکہ اللہ کا واضح حکم ہے،

 

﴿وَاَخۡرِجُوۡهُمۡ مِّنۡ حَيۡثُ اَخۡرَجُوۡكُمۡ‌﴾

"اورنکال دو انھیں وہاں سے، جہاں سے انہوں نے تمہیں نکالا تھا۔"(البقرۃ، 2:191)۔

 

نبوت کے نقش قدم پر قائم ہونے والی خلافت اللہ کے اس حکم پر فوری عمل کرے گی۔

 

01 Jumada al-Awwal 1445 AH - 09 November 2023 CE

 

 

2- میں غزہ کے مظلوم مسلمانوں کے لئے کیا کر سکتا ہوں ؟

 

 

سب سے پہلے تو مجھے افواج میں موجود اپنے تمام  رشتہ داروں ، دوست احباب کو یہ پیغام لازمی پہنچانا ہے اور ان کو ان کا فریضہ یاد دلانا ہے کہ صیہونی یہودیوں کا مقابلہ کرنا تم پر فرض ہے۔  اور یہ اسلئے کہ دشمن فوج ہمارے بچوں اور خواتین پر تابڑ توڑ حملے کر رہی ہے، اور  یہ واضح ہے کہ غزہ میں اس نسل کشی کو روکنے کے لئے ایک فوج کی  ضرورت ہے۔ جہاد کرنا ان لوگوں پر ایک شرعی فریضہ ہے ، جو جنگ لڑنے  کے قابل اور ایک فوج کو شکست دینے کی اہلیت رکھتے ہوں۔  جہادمحض کسی بھی مسلح  مزاحمت کا نام نہیں،  بلکہ جہاد کا ایک مقصود ہے، اور وہ دشمن کو شکست دینا ہے۔اگرچہ غزہ پر حملہ آور صیہونی فوجی بزدل ہیں، لیکن اس کے باوجود وہ ریاستی مشینری اور گولہ بارود اور اسلحے سے لیس ایک منظم فوج ہے، اس لئے ان کا مقابلہ کرنے کیلئے ایک ریاستی فوج کی ہی ضرورت ہے۔ وہ پہلی فوج جو جنگ لڑکر اس شرعی فریضے کو انجام دیتی ہے، وہ فوج آخرت میں اجرِ عظیم کی مستحق ہو گی۔  اگر جہاد کےشرعی فریضہ کی ادائیگی کے راستے میں کوئی بھی لیڈر آئے ، تو اسے ہر صورت میں ہٹا کر اس شرعی فریضے کو پورا کیا جائے۔اللہ سبحانہ و تعالیٰ نے فرمایا،

 

﴿وَإِنِ اسْتَنصَرُوكُمْ فِي الدِّينِ فَعَلَيْكُمُ النَّصْرُ﴾

"اور اگر وہ دین میں تم سے مدد چاہیں تو تم پر ان کی مددکرنا  واجب ہے"۔ (الانفال، 8:72)۔

 

02 Jumada al-Awwal 1445 AH - 10 November 2023 CE

 

 3- اے افواج پاکستان! غزہ میں خواتین اور بچے کب تک آپکا انتظار کریں؟

 

 

 

امت مسلمہ غزہ کی حمایت میں افواج کو متحرک کرنے کی مسلسل اپیلیں کر رہی ہے، تو آپ اپنی قیادت میں غداروں کی بنائی ہوئی مصنوعی رکاوٹوں کو کب تک برداشت کریں گے؟  امریکہ کے ایجنٹوں نے آپ کو ذلت کے طویل راستے پر گامزن کر رکھا ہے۔ انھوں نے عراق اور افغانستان پر امریکی حملوں کی حمایت کی راہ پر تمہیں چلایا۔ انھوں نے قبائلی علاقوں میں امریکہ کے لیے جنگ لڑنے میں آپ کو استعمال کیا۔ ایبٹ آباد اور سلالہ پر امریکی حملوں کے جواب میں انہوں نے آپ کو تحمل سے کام لینے کا درس دیا۔ انھوں نے مقبوضہ کشمیر کو سرنڈر کرنے میں آپ کی خاموشی کو یقینی بنایا۔ اور اب یہ خائن حکمران روئے زمین پر سب سے بزدل فوج کو فری ہینڈ دینے میں آپ کی رہنمائی کر رہے ہیں۔ بس اب بہت ہو گیا۔  اپنے رب کی بخشش اور پوری امت کی دعا حاصل کریں۔ غداروں کو جڑ سے اکھاڑ پھینکیں اور اللہ ﷻ کی راہ میں جہاد کے لئے متحرک ہو جائیں-

 

03 Jumada al-Awwal 1445 AH - 11 November 2023 CE

 

 

4- یہودی وجود کوصفحۂ ہستی سے ہی مٹادینے کے لیے افواج پاکستان کو فوری طور پرحرکت میں لایا جائے

 

 

حزب التحریرولایہ پاکستان نے یہودی وجود کو ہی صفحۂ ہستی سے مٹانے کے لیےجوہری صلاحیت کی حامل دنیا کی چھٹی سب سے بڑی آرمی ، پاکستان آرمی کو  فوری طور پرحرکت میں لانے کے لئے اپنی مہم جاری رکھی ہوئی ہے۔ بے حس، مردہ دل، اور بزدل حکومت کی دھمکیوں کو کسی خاطر میں نہ لاتے ہوئے، حزب التحریر کے شباب پورے ملک میں عوامی مقامات پر پاکستان کے مسلمانوں سے خطاب کر رہے ہیں۔ حزب التحریر کے  شباب، علمائے کرام سے بالخصوص اور مسلمانوں سے بالعموم یہ مطالبہ کررہے ہیں کہ وہ ان مجرم، گناہ گار حکمرانوں سے کسی ڈر وخوف کے بغیر حزب التحریر کی اس  مہم کا ساتھ دیں۔ اللہ سبحانہ و تعالیٰ کا ارشاد ہے ،

 

﴿‌أَتَخۡشَوۡنَهُمۡۚ فَاللهُ ‌أَحَقُّ أَنْ تَخْشَوْهُ إِنْ كُنْتُمْ مُؤْمِنِينَ﴾

"کیا تم ان سے ڈرتے ہو؟ اللہ اس بات کا زیادہ حقدار ہے کہ تم اس  (اللہ)سے ڈرو،  اگر تم ایمان رکھتے ہو۔"(التوبۃ، 9:13)۔ 

 

بے شک ، امت دنیا میں اپنے مقصد کو پانے کے لئے بیدار ہو چکی ہے اور اللہ سبحانہ وتعالیٰ کے اذن سے  اب  دوبارہ غفلت کی نیند نہیں سوئے گی

 

04 Jumada al-Awwal 1445 AH - 12 November 2023 CE

 

 

5- مغربی استعماری ریاستیں سانپ ہیں جو زہر تو دے سکتی ہے زندگی نہیں۔

 

 

حزب التحریرولایہ پاکستان، غالب مغربی طاقتوں پر مشتمل نام نہاد "بین الاقوامی برادری" سے حکمرانوں کی اپیلوں کی مذمت کرتی ہے۔ یہ وہی مغربی استعماری ریاستیں ہیں جنہوں نے سب سے پہلے فلسطین پر یہودیوں کا قبضہ قائم کیا۔ مغربی استعمار اب صیہونی دہشت گردوں کو ہتھیار اور فنڈ فراہم کررہا ہےجب وہ غزہ کے بچوں کو انہی کے گھروں تلے  زندہ گاڑ رہے ہیں۔ حزب التحریر مغربی طاقتوں کے ساتھ ہر طرح کے  اتحاد کے خاتمے اور ان کے غیر منصفانہ ورلڈآرڈر کو مسترد کرنے کا مطالبہ کرتی ہے۔ اللہ سبحانہ و تعالیٰ نے فرمایا، 

 

﴿إِنَّمَا يَنْهَاكُمُ اللهُ عَنِ الَّذِينَ قَاتَلُوكُمْ فِي الدِّينِ وَأَخْرَجُوكُمْ مِنْ دِيَارِكُمْ وَظَاهَرُوا عَلَى إِخْرَاجِكُمْ أَنْ تَوَلَّوْهُمْ وَمَنْ يَتَوَلَّهُمْ فَأُولَئِكَ هُمُ الظَّالِمُونَ﴾

"اللہ ان لوگوں کے ساتھ تم کو دوستی سے منع کرتا ہے جنہوں نے تم سے دین کے بارے میں لڑائی کی اور تم کو تمہارے گھروں سے نکالا اور تمہارے نکالنے میں اوروں کی مدد کی۔ تو جو لوگ ایسوں سے دوستی کریں گے وہی ظالم ہیں"۔(الممتحنہ، 60:9)

 

05 Jumada al-Awwal 1445 AH - 13 November 2023 CE

 

 

6- غزہ کی آزادی کا راستہ ہماری مسلح افواج کی جانب سے بھرپور جہاد ہے، سیز فائر نہیں

 

 

 

4 نومبر 2023 کو امریکی وزیر خارجہ نے عرب وزرائے خارجہ کے غزہ میں فوری جنگ بندی کے مطالبے کو مسترد کر دیا۔ یہ حکمران جنگ بندی کا مطالبہ تو ایسے کر رہے ہیں جیسے اس کے بعد فلسطین کا مسئلہ حل ہو جائے گا۔ ماضی میں چاہے کتنی ہی جنگ بندیاں کیوں نہ ہوئیں ہوں، ہر جنگ بندی کے بعد یہودیوں نے مظالم کی نئی حدیں ہی عبور کیں۔ ظلم کا خاتمہ کرنا ہماری مسلح افواج پر لازم ہے  تو ایسے میں یہودیوں کے نگہبان امریکہ سے مسلمانو کے قتل عام روکنے کا مطالبہ کیوں؟ظالموں کو رد کرو، نبوت کے طریقے پر خلافت قائم کرو اور لشکروں کو متحرک کرو۔ اللہ تعالیٰ نے فرمایا:

 

﴿وَلَا تَرۡكَنُوۡۤا اِلَى الَّذِيۡنَ ظَلَمُوۡا فَتَمَسَّكُمُ النَّارُ﴾

’’اور ظالموں کی طرف مائل نہ ہو ورنہ آگ تمہیں چھو لے گی۔‘‘ (سورۃ ھود، 11:113)

 

06 Jumada al-Awwal 1445 AH - 14 November 2023 CE

 

 

7- فلسطین و کشمیر کو آزاد کرانے کے لیے فوجی طاقت میں کمی نہیں بلکہ اضافے کی ضرورت ہے

 

 

اقوام متحدہ کی جنرل اسمبلی کی ایک  کمیٹی نے پاکستان کی اسلحے میں کمی سے متعلق چار سالانہ  قراردادیں منظور کیں۔ جب فلسطین میں ہونے والے بدترین ظلم کے خلاف پوری امت مسلمہ مسلم افواج سے جہاد کے لیے نکلنے کا مطالبہ کررہی ہے تو پاکستان کے حکمران  اسلحہ میں کمی کی قراردادیں منظور کر ا کر مسلم دنیا کو مغربی  استعماری کفار کے سامنے مزید کمزور کرنا چاہتے ہیں جبکہ اللہ سبحانہ و تعالیٰ نے فرمایا،

 

﴿وَاَعِدُّوۡا لَهُمۡ مَّا اسۡتَطَعۡتُمۡ مِّنۡ قُوَّةٍ﴾

"اور ان کے مقابلے میں جتنی طاقت ہو تیار کرو۔"(الانفال، 8:60)۔

 

اسلحے میں کمی کے عالمی معاہدے   استعماری طاقتوں پر لاگو نہیں ہوتے،نتیجتاً یہ ریاستیں مزید طاقتور ہوجاتی ہیں۔ نبوت کے نقش قدم پر قائم ہونےوالی خلافت مسلمانوں کی فوجی طاقت میں مزید اضافہ کر کے فلسطین و کشمیر کو کفار کے قبضے سے آزاد کرائے گی۔

 

07 Jumada al-Awwal 1445 AH - 14 November 2023 CE