امریکہ نے عافیہ صدیقی کو 86 سال کی سزا سنا کر اپنے ہی ایجنٹوں کے تابوت میں آخری کیل ٹھونک دی ہے۔ عافیہ صدیقی کیس امریکہ اور غدار حکمرانوں کی ملی بھگت کی بد ترین مثال ہے۔ یہ سزا حکمرانوں کے منہ پر بھرپور طمانچہ ہے جو ان کے تخت اکھیڑ پھینکے گا۔ اس سزا نے امریکہ کے عدالتی نظام کی قلعی بھی کھول کر رکھ دی ہے۔ عوام جان چکے ہیں کہ جمہوریت میں کبھی بھی اقلیت کو انصاف مہیا نہیں کیا جاسکتا چاہے یہ فرانس میں حجاب کا مسئلہ ہو، سوئٹزرلینڈ میں میناروں کا مسئلہ یا گوانتانامو بے کے عقوبت خانوں کا مسئلہ۔ کیااب بھی پاکستان کی سیکولر اشرافیہ اسی ظالمانہ سرمایہ دارانہ نظام کے نفاذ کی دعوت دیتی رہے گی؟ ڈاکٹر عافیہ صدیقی کی بہن ڈاکٹر فوزیہ صدیقی نے کھلے عام اس سزا کا ذمہ دار ان غدار حکمرانوں کو قرار دے کر پوری امت کے جذبات کی ترجمانی کی ہے۔ عافیہ صدیقی کی والدہ صبر کا پہاڑ بنی رہیں اور انہوں نے بھی ان حکمرانوں کو شرم سے عاری قرار دیا۔ فوزیہ صدیقی نے بتایا کہ پاکستان حکومت نے تحریری طور پر درخواست کی تھی کہ عافیہ کو دہشت گردی کے الزام میں زیادہ سے زیادہ سزا دی جائے جبکہ یہ غدار حکمران پاکستان کے عوام کو عافیہ صدیقی کی بازیابی سے متعلق جھوٹی تسلیاں دیتے رہے۔ بے شک جو رسول اللہ ﷺ نے ان جیسے لوگوں کے لئے درست فرمایا:

((إِذا لم تستحیِ فاصنع ما شئت))

''اگر تم میں شرم نہیں تو پھر جو چاہے مرضی کرو‘‘ (بخاری)۔

بے گناہ عافیہ صدیقی کو امریکہ بڑی آسانی سے آزاد بھی کر سکتا تھا کیونکہ اس کے خلاف عدالت میں کوئی بھی جرم ثابت نہ ہو سکا تھا۔ لیکن امریکہ اسے پاکستان کے تمام مسلمانوں کے لئے ''نشان عبرت‘‘ بنانا چاہتا ہے تاکہ مسلمان دہشت گردی پر مبنی امریکی جنگ کے خلاف کسی بھی قسم کی مذاحمت پیش نہ کریں اور سہم کر گھر بیٹھ جائیں۔ مگر امریکہ نہیں جانتا کہ ان اقدامات نے مسلمان کے عقیدے کو بیدار کر دیا ہے اور یہ عقیدہ تقاضا کرتا ہے کہ ایک مسلمان اللہ کے سوا کسی سے نہ ڈرے۔ یہی وجہ ہے کہ 9/11 کے بعد دن بدن مسلمان اپنے دین کے قریب آرہے ہیں اور وہ اسلام کی سربلندی کے لئے کسی بھی قسم کی قربانی دینے کے لئے پہلے سے کہیں زیادہ تیار ہیں۔ اے مسلمانو! عافیہ صدیقی کو قراردادوں اور التجاؤں کے ذریعے آزاد نہیں کرایا جاسکتا بلکہ اس کا حل خلافت کی طاقتور فوج تلے جہاد کے ذریعے ہی ممکن ہے۔ اے پاک فوج! تم دیکھ رہے ہو کہ تمہارے حکمران اس حد تک گر چکے ہیں کہ وہ اپنی بیٹیاں تک بیچنے سے دریغ نہیں کر رہے۔ وہ قرآن کی بے حرمتی پر خاموش ہیں اور اپنے ہی مسلمانوں کے قتل عام کے لئے امریکہ کی گود میں جا بیٹھے ہیں۔ اٹھو اور خلافت کے قیام کے لئے حزب التحریر کو نصرت فراہم کرو۔ وہ خلافت جو جہاد کے ذریعے نہ صرف عافیہ کو آزادی دلائیگی بلکہ لاکھوں امریکیوں کو بھی سرمایہ دارانہ نظام سے نجات دلائیگی؛ جو آج مٹھی بھر سرمایہ داروں کے چنگل میں پھنسے ہوئے ہیں اور یوں اسلام کی روشنی سے پورے امریکی بر اعظم کو منور کریگی۔

نوید بٹ
پاکستان میں حزب التحریر کے ترجمان

اے۔ایف۔پی نے منگل ۱۴ ستمبر ۲۰۱۰ کو یہ خبر دی کہ امریکی ڈرون طیاروں نے کل (پیر) کو ایک ہی دن میں شمالی وزیرستان میں اپنے اہداف کے خلاف تین حملے کیے۔ ان حملوں کے لیے وہی جھوٹا جواز استعمال کیا گیا کہ امریکہ نے طالبان اور القاعدہ رہنماؤں کو نشانہ بنایا ہے۔ یہ وہی جھوٹا جواز ہے جو امریکہ مسلمانوں کے قتل عام کو جائز ثابت کرنے کے لیے استعمال کرتا ہے۔

یہ خبر واضح طور پر امریکی صدر اوبامہ کے جھوٹ کو آشکار کرتی ہے جو جھوٹ بولنے میں کوئی شرم محسوس نہیں کرتا۔ اوبامہ نے ۱۱۔۹ کی برسی کے موقع پر ہفتے کو اپنی تقریر میں یہ دعوی کیا تھا کہ ''امریکی ہونے کے ناطے نہ ہم اسلام کے خلاف حالت جنگ میں ہیں اور نہ کبھی ہوں گے‘‘۔ اس نے مزید یہ دعوی بھی کیا کہ امریکی افواج کو خیر کے کاموں میں استعمال کیا جاتا ہے نہ کہ بدی یا تباہی پھیلانے کے لیے۔

یہ کوئی پہلا موقع نہیں ہے جب امریکی صدر نے اس بے شرمی اور ڈھٹائی سے جھوٹ بولا ہو۔ اس سے پہلے بھی،جھوٹ،دھوکا دہی اور فریب کے ساتھ اپنے تعلق پر ثابت قدم رہتے ہوئے، اوبامہ نے ترکی کی پارلیمنٹ کے سامنے ۹ اپریل ۲۰۰۹ کو تقریر کرتے ہوئے کہاتھا کہ ''مجھ کو یہ بات بالکل واضح طور پر کہنے دیجیے کہ امریکہ اسلام کے ساتھ حالت جنگ میں نہیں ہے‘‘۔ اس نے یہی بات ۴ جون ۲۰۰۹ کو قاہرہ میں اپنی تقریر میں بھی دہرائی تھی۔

جب اوبامہ کو اپنے ''کالے گھر‘‘ میں آئے صرف دو دن ہی ہوئے تھے،تو اس مجرم نے وزیرستان میں دو ڈرون حملوں کا حکم نامہ جاری کیا تھا۔ اس حملے کے نتیجے میں بیس لو گ مارے گئے۔ان مارے جانے والوں میں ایک قبائلی سردار اور اس کا پورا خاندان بشمول بیوی اور بچوں کے مارا گیا تھا جبکہ وہ سردار موجودہ حکمرانوں کی حمایت بھی کرتا تھا۔

اے اوبامہ!
تمہارا جھوٹ بے نقاب ہو چکا ہے اور تمہاری اس امت اور دنیا کو گمراہ کرنے کی کوشش بھی ناکام ہوچکی ہے۔ تمہاری بلا امتیاز قتل و غارت گری اور تباہی پھیلانے کے اصول نے تمھاری مجرمانہ پالیسی کی حقیقت کو آشکار کردیا ہے۔تمھاری اس پالیسی نے تمھارے سابقہ قابل نفرت صدر بش کی پالیسی کو بھی پیچھے چھوڑ دیا ہے۔ تمھارے جھوٹے بیانات تمھاری اس مجرمانہ پالیسی کے داغ دار چہرے کو چھپا نہیں سکتے جو تم عملاً افغانستان اور پاکستان یا فلسطین اور عراق میں نافذ کر رہے ہو۔

اے مسلمانو!
امریکیوں کی تمھارے اور تمھارے دین کے خلاف دشمنی اور تمھارے بھائیوں اور بیٹوں کے خلاف مجرمانہ پالیسی تم پر واضح ہو چکی ہے۔ اس کے علاوہ ان کم ہمت اور امریکہ کی اسلام اور مسلمانوں کے خلاف جنگ میں مدد فراہم کرنے والے حکمرانوں کی حقیقت بھی واضح ہو چکی ہے۔ پاکستان میں حکمران فوج کو سیلاب زدگان کو بچانے اور ان کو مدد فراہم کرنے کے لیے استعمال کرنے کے بجائے فوج کو امریکہ کی پالیسی کو نافذ کرنے کے لیے اس مجرمانہ جنگ میں استعمال کر رہے ہیں۔ اب وہ وقت آچکا ہے کہ آپ حزب التحریرکے مخلص داعیوں کے ہاتھوں میں ہاتھ ڈال کر ان غدار حکمرانوں کو،جو امریکہ کی مجرمانہ پالیسی کے تحت کام کررہے ہیں ،کو اکھاڑنے کے لیے کام کریں اور اس خلیفہ کو بیعت دیں جو آپ پر قرآن و سنت کے مطابق حکمرانی کرے گا اور پھر آپ دنیا اور آخرت کی فتح کو حاصل کر لیں گے۔
اللہ سبحانہ و تعالی فرماتے ہیں

(یا أیھا الذین آمنوا استجیبوا للہ وللرسول إذا دعاکم لما یحییکم)
اے ایمان والو! اللہ اور اس کے رسول کی پکار پر لبیک کہو،جب وہ تمھیں پکارے اس چیز کی طرف جس میں تمھارے لیے زندگی ہے

عثمان بخاش
ڈائریکٹر سینٹرل میڈیا آفس
حزب التحریر

حزب التحریر بلاول ہائوس کے ترجمان اعجاز درانی کے اس الزام کی تردید کرتی ہے جس میں انہوں نے نہ صرف حزب کو دہشت گرد تنظیم قرار دیا ہے بلکہ یہ بھی الزام لگا یا ہے کہ برمنگھم میں کیا جانے والا حزب کا مظاہرہ مسلم لیگ ن کے رہنما چوہدری نثار کے کہنے پر کیا گیا تھا۔ اس بیان سے پیپلز پارٹی اور بلاول ہائوس کے ترجمان کی جہالت عیاں ہوتی ہے جنہیں یہ بھی علم نہیں کہ دنیا کی سب سے بڑی اسلامی سیاسی پارٹی ، حزب التحریر کا، جو چالیس سے زائد ممالک میں کام کر رہی ہے، عسکریت پسندی سے کوئی تعلق نہیں اور وہ خلافت کے قیام کے لئے عسکریت پسندی کو شرعاً حرام گردانتی ہے۔ حزب کی سیاسی طاقت اور عالمی اثر و رسوخ کا اندازہ اس سے لگایا جاسکتا ہے کہ اسی سال انڈونیشیائ میں حزب کی قیادت میں ہزاروں لوگ سڑکوں پر امڈ آئے اور اوبامہ کو اپنا دورۂ انڈونیشیا منسوخ کرنا پڑا۔ یہ حزب ہی تھی جس نے فریڈم فلوٹیلا پر صیہونی حملے اور مصر کی غزہ پر پابندیوں کے خلاف برطانیہ میں مصر کی ایمبیسی کے باہر ہزاروں افراد کا جم غفیر لاکھڑاکیا۔ یہ حزب ہی تھی جس نے مشرف کی برطانیہ آمد پر اس کا محاسبہ کیا اور اتنے مظاہرے کئے کہ وہ سٹ پٹا اٹھا۔کیا یہ سب اقدامات حزب نے چوہدری نثار کے کہنے پر کئے تھے؟ ایسی عالمی پارٹی کے لئے ایک ملک کی اپوزیشن جماعت کے معمولی راہنما کی کیا حیثیت ہے!!! خصوصاً جبکہ وہ جماعت بھی پیپلز پارٹی کی طرح ایک سیکولر اور امریکہ کی ڈکٹیشن پر چلنے والی جماعت ہو؟! زرداری کی طرح شریف برادران بھی اقتدار کے لئے کافر امریکہ سے امیدیں لگائے بیٹھے ہیں اور اسی لئے زرداری حکومت کی اسلام اور عوام دشمن امریکی پالیسیوں پر چپ سادھے ہوئے ہیں۔ حزب التحریر کا ہدف استعماری طاقتیں ہیں جنہیں نکالنے کے لئے وہ مسلم علاقوں میں سیاسی جدوجہد کر رہی ہے۔ اسی لئے وہ ان کے ایجنٹ حکمرانوں کو بے نقاب کرتی ہے اور مسلمانوں میں موجود اہل طاقت میں سے مخلص عناصر کو تبدیلی کے لئے پکارتی ہے تاکہ وہ اپنا شرعی فریضہ پورا کریں اور خلافت کے قیام کے لئے حزب التحریر کو نصرت فراہم کریں۔ اور ہم ان استعماری ایجنٹو کو خبردار کر دینا چاہتے ہیںکہ وہ بابرکت گھڑی بہت قریب آن پہنچی ہے !!!

شہزاد شیخ
پاکستان میں حزب التحریر کے ڈپٹی ترجمان