حزب التحریر نے القصیر، شام میں بشار، ایرانی حکومت اور لبنان میں اس کی حزب کی شام کے مسلمانوں اور ان کے بابرکت انقلاب کو ناکام بنانے کے خلاف گٹھ جوڑ کے پر زور مذمت کی ہے۔ اس عمل کی مذمت میں حزب التحریر نے ایک لیفلٹ جاری کیا ہے جس کا عنوان ہے "شام کا سرکش، ایرانی حکومت اور لبنان میں اس کے حزب، القصیر شہر کو صفحہ ہستی سے مٹانے میں ہلاکو خان کی یاد کو تازہ کر رہے ہیں"۔ اس لیفلٹ میں یہ بتایا گیا ہے کہ "اللہ، اس کے رسول ﷺ اور مومنوں سے کوئی حیا کیے بغیر سرکش لوگ القصیر شہر میں مسلمانوں کے خون سے ہولی کھیل رہے ہیں، ایک طرف شام کا سرکش بشار الاسد اپنے جنگی جہازوں سے اس پر وحشیانہ بمباری کر رہا ہے، جلاکر راکھ کر دینے والے مواد کے ڈرم گرا رہا ہے، جبکہ دوسری طرف ایران کی حزب اللہ اس کے شانہ بشانہ میزائلوں اور راکٹوں کی بارش کر رہی ہے۔ ایران انتہائی قریب سے اس کی نگرانی کر رہا ہے، ان کو کنٹینروں اور جہازوں کے ذریعے ہر قسم کی انسانی اور لاجسٹک مدد فراہم کر رہا ہے۔ کئی ہفتوں سے ان سرکشوں نے القصیر شہر کے مضافات اور اس کے باغات کو تباہ کیا، اس کے بعد گھروں اور مساجد کو نشانہ بنایا، سرکشوں کی یلغار سے انسان شجر اور حجر میں سے کچھ بھی محفوظ نہیں رہا"۔

لیفلٹ میں اس حملے کی وجہ کو بیان کرتے ہوئے بتایا گیا ہے کہ "یہ شرمناک حملے امریکہ کی جانب سے گرین سگنل ملنے کے بعد تھے۔ کیونکہ امریکہ اس غلط فہمی کا شکار ہے کہ شام کی سرزمین پر قتل وغارت کو جاری رکھ کر ہی شام کے لوگوں کو امریکی منصوبوں کو قبول کرنے پر مجبور کیا جا سکتا ہے۔ اور یوں امریکہ "پر امن حل" کے نام سے منعقد کیے جانے والی کانفرنسوں اور بات چیت کے ذریعے ایک ایجنٹ کی جگہ دوسرے ایجنٹ کو بیٹھا سکے۔ اور یوں چہروں کی تبدیلی کے باجود سیکولر نظام کی بنیادیں برقرار رہ سکیں، کیونکہ امریکہ کو اس بات کا ادراک ہے کہ اہلِ شام کا نعرہ اسلام ہے"۔

حزب التحریر نے ایرانی حکومت اور لبنان کی حزب کے شرمناک کردار کو بیان کرتے ہوئے کہا کہ "کوئی بھی مسلمان اسلام اور مسلمانوں کے ساتھ شام کے سرکش کے بغض و عناد کو سمجھ سکتا ہے۔ کیونکہ اس کی حکومت سیکولر ہے اور وہ اللہ، اس کے رسول ﷺ اور مومنوں کا کھلا دشمن ہے۔ لیکن ایران کی حکومت اور لبنان میں اس کی حزب اللہ تو بظاہر اسلام اسلام کا راگ الاپتے رہتے ہیں۔ پھر یہ کس طرح ایک سیکولر حکومت کے شریک کار ہیں، بلکہ مسلمانوں کو قتل کرنے، مساجد پر بمباری کرنے اور خواتین اور بچوں تک کو قتل کرنے سے دریغ نہیں کرتے؟ "حزب التحریر نے مزید کہا کہ "یقینا القصیر کی لعنت شام کے سرکش، ایرانی حکومت اور لبنان میں اس کی حزب کو لے ڈوبے گی۔ وہاں بہایا گیا پاکیزہ خون دن رات ان کی نیندیں حرام کرے گا، یہاں تک کہ اللہ کی مدد آئے گی۔ اللہ کی مدد تو آنی ہی ہے۔ اگر یہ القصیر کو صفحۂ ہستی سے مٹا بھی دیں تو دنیا میں ان کو رسوائی کے سوا کچھ نہیں ملے گا"۔

حزب التحریر نے ایرانی حکومت اور لبنان کی حزب کو مخاطب کرتے ہوئے خبردار کیا کہ "جنہوں نے شام کے سرکش کی مدد کی یا کر رہے ہیں کہ وہ ہوش کے ناخن لیں اور باز آئیں اور اپنے گناہوں کا کفارہ کریں اور ندامت کا اظہار کریں اس دن سے پہلے کہ جس دن ندامت کوئی فائدہ نہیں دے گی، نہ ہی توبہ قبول ہو گی"۔

نوٹ: لیفلٹ کے مکمل متن کے لیے اس ویب سائٹ لنک کو دیکھیں۔

http://htmediapak.page.tl/The-Tyrant-of-ash_Sham-and-the-Iranian-Regime.htm
پاکستان میں حزب التحریر کا میڈیا آفس

 

حزب التحریر ولایہ پاکستان نے دنیا کے تیسرے بڑے شہر اور پاکستان کے مالیاتی اور صنعتی مرکز کراچی میں "جمہوریت کو ختم کرو اور خلافت کو قائم کرو" مہم کے تحت ایک سیمینار منعقد کیا۔ اس سیمینار میں افواج سے خلافت کے قیام کے لیے نصرة کے قیام کا مطالبہ کیا گیا، پاکستان کے عوام سے امیر حزب التحریر شیخ عطا بن خلیل ابو رشتہ کے خطاب کی ویڈیو دیکھائی گئی اور 11 مئی 2012 کو حکومتی غنڈوں کے ہاتھوں اغوا سے قبل تک پاکستان میں حزب التحریر کے ترجمان نوید بٹ کی پاکستان میں امریکی راج کے خاتمے کے خلاف جد و جہد پر مبنی کتاب "کلمہ حق" کی رونمائی بھی کی گئی۔

رکن حزب التحریر انجینئر ساہام نے اپنی زبردست تقریر میں کہا کہ گلی، محلوں، بازاروں، مساجد اور دفاتر میں ہونے والی عوامی گفتگو یہ ثابت کرتی ہے کہ امت اب خلافت کے لیے تیار ہے۔ انھوں نے 30 اپریل 2013 کو پیو ریسرچ سینٹر کے فورم برائے مذہب اور عوامی زندگی کے تحت شائع ہونے والے سروے کا ذکر کیا جس میں یہ کہا گیا ہے کہ پاکستان میں صرف 29 فیصد افراد جمہوریت کو ملکی مسائل کے حل کے لیے مناسب طریقہ کار سمجھتے ہیں جبکہ 84 فیصد لوگ شریعت کو ملک کے قانون کا درجہ دینا چاہتے ہیں۔

انجینئر ساہام نے وضاحت کی کہ امت میں موجود اسلام کے نفاذ کی شدید خواہش ہی کی وجہ سے پاکستان کی قیادت میں موجود غدار افواج پاکستان میں موجود بریگیڈئر علی خان جیسے افسران اور نوید بٹ جیسے مخلص سیاست دانوں پر ظلم و جبر کر رہی ہے اور یہ دونوں افراد آج بھی کیانی و شریف حکومت کے قید خانوں میں ان کے ظلم جبر کا سامنا کر رہے ہیں۔ انجینئر ساہام نے افواج پاکستان سے جمہوریت کے خاتمے اور خلافت کے فوری قیام کے لیے حزب التحریر کو نصرة کی فراہمی کا پرزور مطالبہ بھی کیا۔

نوٹ:

1۔ امیر حزب التحریر شیخ عطا بن خلیل ابو رشتہ کے خطاب کا عربی، اردو اور انگریزی زبان میں متن اس ویب لنک پر دیکھا جا سکتا ہے:

http://pk.tl/1byO

2۔ نوید بٹ کی جدوجہد پر مبنی کتاب "کلمہ حق" اردو اور انگریزی زبان میں ان ویب لنکز پر دیکھی جا سکتی ہے:

http://pk.tl/1c7l and http://pk.tl/1c7m

3۔ نوید بٹ کے اغوا کے خلاف "جنرل کیانی کے نام کھلا خط" کی وڈیو اس ویب لنک پر دیکھی جا سکتی ہے:

http://pk.tl/1bXY

پاکستان میں حزب التحریر کا میڈیا آفس

 

تصویرکے لئے یہاں پر کلک کریں - Picture Slideshow: Click Here

حزب التحریرولایہ پاکستان انتخابات کا دن ،11مئی ،کے قریب آنے کے ساتھ ساتھ ملک بھر میں بم دھماکوں اور ٹارگٹ کلنگ میں آنے والی تیزی میں پاکستان کے ایجنٹ حکمرانوں کے کردار کی پر زور مذمت کرتی ہے۔ اگر ان حکمرانوں میں زرہ برابر بھی اخلاص ہوتا یا ان میںاپنے آقاوں کے احکامات کو بجا لانے سے انکار کرنے کی تھوڑی سی بھی ہمت ہوتی تو یہ اس قتل و غارت گری کو جڑ سے اکھاڑ کر اس کا ہمیشہ ہمیشہ کے لیے خاتمہ کردیتے۔ ہماری افواج اس بات کی بھر پور صلاحیت رکھتیں ہیں کہ وہ تمام امریکی قونصلیٹس، سفارت خانوں اور اڈوں کو بند کردیں۔ ہمارے بہادر افسران اور جوان چند گھنٹوں میں امریکی انٹیلی جنس ،فوجی اور نجی سیکیورٹی کے افراد اور ان امریکی ماسٹر مائنڈز کو ملک بدر کرسکتے ہیں جو ملک بھر میں بم دھماکوں اور ٹارگٹ کلنگ کی منصوبہ بندی اور انھیں عملی جامہ پہنانے کے لیے نگرانی کرتے ہیں۔ لہذا مسلمانوں کو ان غیر ملکی استعماری حربی ممالک سے تمام تعلقات ختم کرکے اس راستے کو ہی بند کردینا چاہیے جس کو استعمال کر کے یہ سازشیں کرتے ہیں اور امت کو تقسیم کرتے ہیں۔ اور ایک مسلم فوج ہونے کے ناطے ہمارے بہادر بیٹے اپنی سرزمین پر فتنے کا خاتمہ کرنے کے لیے امریکہ کو ایک فیصلہ کن جواب دینے میں انتہائی خوشی محسوس کریں گے۔

لیکن نہیں!یہ غدار مسئلہ کو حل کرنے کی جگہ ہمارے اوپر مزید مسائل کا انبار ڈال دیتے ہیںاور اس قتل و غارت گری کو جواز بنا کر امریکی مطالبات کو تسلیم کرتے چلے جاتے ہیں ۔ امریکہ کا بہت عرصہ سے یہ مطالبہ چلا آرہا ہے کہ فتنے کی اس امریکی جنگ کو پاکستان کے اہم ترین شہروں تک پھیلادیا جائے۔ امریکہ چاہتا ہے کہ مسلم دنیا کے سب سے بڑی فوج کو بلوچستان اور قبائلی علاقوں میں مصروف کرنے کے بعد اپنے ہی ملک میں مزید ایک اور محاذ کھولنے پر مجبور کر کے اس کی دفاعی صلاحیتوں کو انتہائی محدود کردیا جائے۔اپنی ذمہ داری سے مخلص حکمرانوں نے سیکیورٹی کے نام پر ستر ہزار فوج کو شہروں میں بھیجنے کا اعلان کردیا ہے جس سے مزید خون خرابے اور دشمنوں کے سامنے ہماری تذلیل میں اضافہ ہوگا۔

اے افواج میں موجود مسلمانو! اس امریکی جنگ کے لیے مزید کتنے مسلمان قربان کیے جائیں گے۔ یہ جنگ حکمرانوں کے نزدیک اتنی مقدس ہے کہ وہ اس کے خلاف ایک لفظ بھی سننا گوارا نہیں کرتے۔ یہ آپ پر منحصر ہے کہ آپ ان حکمرانوں کو اکھاڑ پھینکیں اورحزب التحریرکی قیادت میں آپ چند گھنٹوں ایسا کرنے پر قادر ہیں۔ خلافت کے قیام کے لیے حزب التحریرکا ساتھ دیں تا کہ معروف عالم،دانشور اور سیاست دان،شیخ عطا بن خلیل ابو الرشتہ،امیر حزب التحریرکو مسلمانوں کے خلیفہ کی حیثیت سے بیعت دی جائے اور پھر خلیفہ مسلمانوں کو ان کے دشمنوں سے تحفظ کرے گا اور ان پر مسلط تذلیل اور ناکامی کو عزت اور کامیابی سے بدل دے گا۔

ﺇنَّا لَنَنصُرُ رُسُلَنَا وَالَّذِیْنَ آمَنُوا فِیْ الْحَیَاةِ الدُّنْیَا وَیَوْمَ یَقُومُ الْأَشْہَادُ

'' یقیناً ہم اپنے رسولوں کی اور ایمان والوں کی دنیا میں بھی مدد کریں گے اور اس دن بھی جب گواہی دینے والے کھڑے ہوں گے''(الغفار:51)

 

پاکستان میں حزب التحریرکا میڈیا آفس