امریکی کانگریس کے اراکین کی طرف سے پاکستان میں خفیہ کاروائی کے لئے موجود امریکی فوجیوں کے انکشاف نے ایک بار پھر پاکستان کے حکمرانوں کی غداری کا پردہ چاک کر دیا ہے۔ ثابت ہو گیا ہے کہ استعمار آمرنہ اور جمہوری نظام دونوں میں حکمرانوںکو بآسانی خرید کر اپنے ہی لوگوں کے خلاف استعمال کرتا ہے۔ بلیک واٹر کی سرپرستی سے لے کر ڈرون طیاروں کے لئے لینڈنگ سٹرپ مہیا کرنے تک یہ حکمران پہلے ان غداریوں کو چھپاتے ہیں اور پھر جب حقیقت اظہر من الشمس ہو جاتی ہے تو ڈھیٹ بن جاتے ہیں۔ حکمرانوں نے یہ مضحکہ خیز پراپیگنڈا کر کے قبائلی علاقوں اور سوات میں آپریشن شروع کیا کہ طالبان اسلام آباد پر قبضہ کرنے والے ہیں۔ طالبان تو اسلام آباد پر قابض نہ ہو سکے لیکن امریکی فوج نے اس بہانے پاکستان میں قدم جما لئے۔ امریکہ جس کو افغانستان کے نہتے مسلمانوں نے لوہے کے چنے چبانے پر مجبور کردیا ہے، دنیا کی ساتویں بڑی فوج رکھنے والے ملک پاکستان پر ایک بھی گولی چلائے بغیر قبضہ کرتا چلا جارہا ہے۔ اس عظیم غداری میں حکمرانوں کے ساتھ ساتھ اپوزیشن بھی برابر کی شریک ہے جو اس امریکی جنگ کی کھلم کھلا حمایت کر رہی ہے۔ پاکستان میں غیر ملکی یا امریکی افواج کی ضرورت تو اس وقت بھی پیدا نہ ہوئی تھی جب افغانستان میں سوویت یونین کی مضبوط فوج حملے کے لئے تیار تھی۔ یقینا پاکستان کے عوام اور پاکستان کی افواج اس بات سے شدید نفرت کرتے ہیں کہ ان کی اسلامی سرزمین کافر افواج کے ناپاک قدموں سے نجاست کا شکار ہو۔ اسی لیے یہ حکمران ڈرون حملوں، ملک میں امریکی افواج اور پرائیویٹ امریکی جاسوسوں کی موجودگی کے متعلق مسلسل جھوٹ پر جھوٹ بولتے چلے آرہے ہیں۔ امریکی فوج کی موجودگی اہل طاقت کے جذبات متحرک کرنے کے لئے کافی ہونی چاہئے تاکہ وہ حرکت میں آئیں اور ان غداروں کو اکھاڑ پھینکیں۔ لیکن افسوس امریکی ایجنٹ امریکی فوج کی موجودگی کو الٹا یہ کہہ کر استعمال کرتے ہیںکہ اگر پاک فوج نے ازخود اپنے مسلمان بھائیوں کا قتل عام نہ کیا تو یہ امریکی فوج کرے گی۔ جبکہ سب جانتے ہیںکہ امریکہ جو خود افغانستان اور عراق میں نہتے مسلمانوں سے مار کھا رہا ہے پاکستان میں ایک نیا محاذ کھولنے کی پوزیشن میں نہیں۔

حکمرانوں کی غداری میں اب کوئی شک باقی نہیں رہا۔ ان حکمرانوں نے اللہ کو چھوڑ کر امریکہ کو اپنا رب بنالیا ہے۔ اس لیے اس سے قبل کہ پاکستان بھی افغانستان و عراق بن جائے ،پاکستان کے مسلمان اور خصوصاًافواج پاکستان میں موجود مخلص عناصر کو حزب التحریر کے ساتھ مل کر فوراً خلافت کا قیام عمل میں لانا چاہیے ۔ یہ خلافت ہی ہو گی جو پاکستان کو امریکہ کی کالونی بننے سے روکے گی اور اس پورے خطے سے امریکہ کو نکال باہر کرے گی۔

شہزاد شیخ
پاکستان میں حزب التحریرکے ڈپٹی ترجمان

حزب التحریر نے 18جولائی کو یوم سقوط خلافت کے تناظر میںبیروت، لبنان میں ایک عالمی میڈیا کانفرنس کا اعلان کیا ہے۔ یہ حالیہ تاریخ میں کسی بھی اسلامی سیاسی پارٹی کی طرف سے دنیا کی سب سے بڑی میڈیا کانفرنس ہے ، جس کا انعقاد دنیا کی سب سے بڑی اسلامی سیاسی جماعت حزب التحریر کر رہی ہے۔ اس کانفرنس میں زیر بحث آنے والے موضوعات اور ان کے حل کے سلسلے میں پیش کیا گیا تعارفی لٹریچر اور ویڈیو ٹریلرز نے ہی لبنان کے حکمرانوں اور ان کے امریکی اور فرانسیسی آقاؤں کے دلوں میں خوف پیدا کر دیا ہے۔ حزب التحریر ، لبنان میں ایک قانونی سیاسی جماعت ہے اور اسکی کانفرنس روکنے کا لبنان کے اپنے قانون میں کوئی جواز نہیں۔ اس لئے لبنانی ایجنٹ حکمرانوں نے اوچھے ہتھکنڈوں کو اپناتے ہوئے مندوبین کو ویزے دینے سے انکار کر دیا ہے۔ لبنانی حکومت نے اپنے سفارتخانوں کو ہدایات جاری کی ہیں کہ وہ کانفرنس کے مندوبین کو ویزا جاری نہ کریں۔ پاکستان میں موجود لبنانی سفارتخانہ نے پاکستان کے چند ممتاز سیاستدانوں کو ،جو کہ ڈپلومیٹک پاسپورٹ کے حامل تھے ، ویزا جاری کرنے سے انکار کر دیا ہے۔ مزید برآں پاکستان کے الیکٹرانک اور پرنٹ میڈیا کے چوٹی کے صحافیوں اور ادیبوںکو بھی ویزے نہیں دئے گئے۔ حزب التحریر ایجنٹ حکمرانوں کی ان تما م کوششوں کی شدید ترین الفاظ میں مذمت کرتی ہے اور ان تمام رکاوٹوں کے باوجود حزب التحریر خلافت کے قیام کے لئے اپنی غیر عسکری سیاسی اور فکری جدوجہد جاری رکھنے کا اعلان کرتی ہے۔ حزب التحریر نے 2007میں انڈونیشیا میں مسلم دنیا کے سب سے بڑے اسٹیڈیم میں عالمی خلافت کانفرنس کا انعقاد کیا تھا جس میں 60,000خواتین سمیت لگ بھگ ایک لاکھ افراد نے شرکت کی تھی۔ پچھلے سال حزب التحریر نے سوڈان میں عالمی معاشی بحران پر عالمی کانفرنس منعقد کی جس میں 5000 مندوبین نے شرکت کی۔ اسی سال خلافت کے قیام کی فرضیت کو اجاگر کرنے کے لئے حزب التحریر نے انڈونیشیا میں دنیا بھر سے 6000 علمائ پر مبنی عالمی علمائ کانفرنس بھی انعقاد کی۔ اور اب اس سال لبنان میں عالمی میڈیا کانفرنس کی تیاریاں زور و شور سے جاری ہیں۔ ان چند سالوں میں حزب التحریر دنیا میں امت کی واحد عالمی لیڈرشپ کے طور پر ابھری ہے جس سے خوفزدہ ہو کر استعمار ایک بار پھر حزب کو مختلف ممالک میں بین کرنا شروع ہو گیا ہے۔ اس ضمن میں حال ہی میں بنگلہ دیش میں حزب پرپابندی لگائی گئی۔ حزب التحریر اس امر کا اعلان کرتی ہے کہ یہ غدار اب چاہے جو بھی قدم اٹھائیں انشائ اللہ ان کے عمل سے خلافت کی پکار اور امت میںاس کے لیے رائے عامہ کو مزید تقویت ہی ملے گی۔ اور ان کے آقا ان حکمرانوں کو ان کی غداری کی سزا سے اس دنیا میںبچا سکیں گے اورنہ آخرت کاعذاب ان سے ہٹا سکیں گے۔

عمران یوسفزئی
پاکستان می حزب التحریر کے ڈپٹی ترجمان

حزب التحریر ولایہ پاکستان نے ظالم اور ایجنٹ حکمرانوں کی طرف سے تمام تر ظالمانہ ہتھکنڈوں اور جبر کے باوجود 28رجب: یوم سقوطِ خلافت کے موقع پرکراچی، لاہور اور اسلام آباد میں سیمینار منعقد کئے۔ سیمینار میں تین تقاریر کی گئیں جن کے عنوان تھے: ''عالمی مالیاتی بحران اور نیا اقتصادی ماڈل‘‘، ''دہشت گردی کے خلاف جنگ اور آنے والی خلافت کا عالمی کردار‘‘ اور ''طلب النصرۃ : تبدیلی لانے کا شرعی اور عملی طریقہ ‘‘۔ لاہور میں سیمینار سے خطاب حزب کے ممبران جناب ذیشان اختر، تیمور بٹ اور آغا طاہر نے، کراچی سے جناب سہام طیب، اشفاق خان اور محی الدین نے اور اسلام آباد سے حزب کے ڈپٹی ترجمان جناب عمران یوسفزئی ، صہیب خان اور اسامہ حنیف نے کیا۔ سینکڑوں لوگوں نے سیمینار میں شرکت کی اور خلافت کے قیام کی اس جدوجہد میں حزب التحریر سے اظہار یکجہتی کیا۔ سیمینار میں تین قرار دادیں پاس کی گئیں۔

۱- مسلمان سرمایہ دارانہ نظام کے نفاذ کی پُرزور مذمت کرتے ہیں کہ جس کی وجہ سے تمام تر دولت معاشرے کے چند ہاتھوں میں سمٹ گئی ہے جبکہ کروڑوں لوگ غربت اور تباہ حالی کا شکار ہوچکے ہیں۔ خلافت کا قیام ہی وہ اسلامی طریقہ ہے جس کے ذریعے اسلامی معاشی قوانین کا نفاذ ممکن ہے جس کے تحت تمام شہریوں کی بنیادی ضروریات کی ضمانت دی جاتی ہے۔ خلافت قرآن کے حکم کے مطابق ارتکاز دولت کو روکے گی۔ ارشاد باری تعالیٰ ہے:

 

﴿کَیْ لَا یَکُوْنَ دُوْلَۃً بَیْنَ الأَغْنِیَا ئِ مِنْکُمْ﴾

''تاکہ دولت صرف تمہارے مالدار لوگوں کے درمیان نہ گردش کرتی رہے‘‘ ﴿الحشر:7﴾

۲- جہاں تک نام نہاد دہشت گردی کے خلاف جنگ کا تعلق ہے، تو تمام مسلمان امریکہ کی طرف سے مسلمانوں کے درمیان فتنے کی جنگ بھڑکا کر افغانستان اور عراق پر قبضے کی امریکی جنگ کی پُرزور مذمت کرتے ہیں۔ اورتمام مسلمان خلافت کے قیام کی پرزور پُکار بلند کرتے ہیں جو مسلم علاقوں سے بیرونی قبضے کو ختم کرنے کے لیے مسلمان افواج کو متحرک کرے گی ۔ جیسا کہ رسول اللہ ﷺ نے امام یعنی خلیفہ کو ڈھال کے طور پر بیان کیا ہے، آپ ﷺنے ارشاد فرمایا:

 

﴿﴿إِنماالامام جنۃ یقاتل من ورائہ ویتقی بہ﴾﴾

'' بے شک صرف خلیفہ ہی ڈھال ہے جس کے پیچھے سے لڑا جاتاہے اور اسی کے ذریعے تحفظ حاصل ہو تاہے ۔﴿مسلم﴾

۳- جہاں تک طلبِ نصرہ کے شرعی فرض اور تبدیلی کے عملی طریقے کا تعلق ہے، توخلافت کے فوری قیام کے لیے تمام مسلمانوںکی طرف سے مسلم افواج میں موجود آفیسرز کو پُرزور پکار ہے کہ وہ انصارِ مدینہ کے نقشِ قدم پر چلتے ہوئے فوری نصرت دیں، وہ انصار جنہوں نے بیعت عقبیٰ ثانی کے ذریعے رسول اللہ ﷺ کو نصرت دی تھی کہ جس کے بعد مدینہ کے اندر پہلی اسلامی ریاست معرضِ وجود میں آئی تھی۔ اہل طاقت کو چاہئے کہ وہ اللہ پر بروسہ کرتے ہوئے اپنا فرض ادا کریں یقیناً اللہ ان کی مدد کریگا۔

 

﴿يَٓأَيُّهَا ٱلَّذِينَ ءَامَنُوٓا۟ إِن تَنصُرُوا۟ ٱللَّهَ يَنصُرْكُمْ وَيُثَبِّتْ أَقْدَامَكُمْ﴾

''اے اہل ایمان اگر تم اللہ کی مدد کرو گے تو وہ بھی تمہا ری مدد کریگااور تمہیں ثابت قدم رکھے گا۔‘‘﴿7:محمد﴾

 

نوید بٹ

پاکستان میں حزب التحریر کے ترجمان

تصویریں