حزب التحریر کے کارکن ارسلان قمر کے اغوا اور بہیمانہ تشدد کے خلاف حزب التحریر نے کراچی، لاہور، اسلام آباد اور پشاور میں احتجاجی مظاہرے منعقد کئے۔ اکیس سالہ ارسلان قمر کمپیوٹر انجینئرنگ کے طالب علم ہیں اور خلافت کے قیام کے ایک سرگرم داعی ہیں۔ انہیں جمعہ 2 اپریل کو تقریباً شام پانچ بجے حکومتی ایجنسیوں کے دو اہلکاروں نے اس وقت اغوا کرلیا جب وہ کراچی میں یونیورسٹی روڈ پر بس میںسوار ہو رہے تھے۔ ارسلان کو زبردستی بس سے اتار کر ایک کالے رنگ کی پراڈو جیپ میں ڈال دیا گیا، ہتھکڑی لگائی گئی اور شدید تشدد کا نشانہ بنایا گیا۔ دوران تشدد ایجنسی کے اہلکار ان سے حزب التحریر کے مختلف ممبران کے متعلق پوچھتے رہے لیکن ارسلان نے کمال بہادری کا مظاہرے کرتے ہوئے ان کے کسی بھی سوال کا جواب دینے سے انکار کر دیا۔ ارسلان کے ارادے کو توڑنے کے لیے اس کو نشہ آور سفوف بھی سونگھایا گیا جس سے ارسلان پر نیم بے ہوشی طاری ہو گئی لیکن اس کے باوجود حکومتی بدمعاش اپنے مقاصد میں کامیاب نہ ہو سکے۔ تقریباً دوگھنٹوں تک سڑکوں پر گھمانے اور شدید مارپیٹ کے بعد ارسلان کو سپر ہائی وے ٹول پلازہ کے قریب ایک ویران جگہ پر آنکھوں پر پٹی باندھ کر بٹھادیا گیا اور پھر ہراساں کرنے کے لئے دو ہوائی فائر کئے گئے ۔

بالآخر تنگ آکر یہ اہلکار ارسلان کو وہیں چھوڑ کر فرار ہو گئے۔ اس ریاستی دہشت گردی کے خلاف مظاہرین نے بینرز اور پلے کارڈز اٹھارکھے تھے جن پر تحریر تھا: ''اے ظالم حکمرانو! حزب التحریرکے کارکن ارسلان پر تشدد، خلافت کے قیام کو روک نہیں سکتا‘‘۔ مظاہرین حکومت کے خلاف اور خلافت کے قیام کے لیے نعرے لگا رہے تھے۔ مظاہرین سے خطاب کرتے ہوئے مقررین نے کہا کہ ارسلان کا جرم صرف یہ ہے کہ وہ حزب التحریرکا کارکن ہے جو خلافت کو دوبارہ قائم کر کے مسلم ممالک کو ایک زبردست اسلامی ریاست کی شکل دینا چاہتی ہے۔ انہوں نے کہا کہ یہ گھٹیا حرکت اس بات کی نشاندہی کرتی ہے کہ حکمران حزب التحریر کی زبردست پرامن سیاسی و فکری جدوجہد کو روکنے میں ناکام ہو چکے ہیں اور اس کی بڑھتی ہوئی مقبولیت سے پریشان ہیں۔ مقررین نے کہا کہ ہم حکمرانوں پر واضح کر دینا چاہتے ہیں کہحزب التحریر پوری مسلم دنیا میں گزشتہ ستاون ﴿۵۷﴾ سال سے اس قسم کے اوچھے ہتھکنڈوں کا بڑی جواں مردی سے مقابلہ کر رہی ہے۔ اور حزب کا چالیس سے زائد ممالک میں سرگرم ہونا اس بات کا ثبوت ہے کہ یہ غدار مسلم حکمران اپنے عزائم میں بری طرح ناکام ہوئے ہیں۔ مقررین نے کہا کہ حکمران اور ان کی تنخواہ دار ایجنسیاں اس بات کا فیصلہ کر لیں کہ کیا انھوں نے نبی صلی اللہ علیہ وسلم کی بشارت ﴿ثما تکون خلافہ علی منھاج نبوہ﴾ اورپھر خلافت قائم ہو گی نبوی صلی اللہ علیہ وسلم طریقے پر﴿مسند احمد﴾ کو پورا کرنے میں کردار ادا کرنا ہے یا پھر اس بشارت کو روکنے کی ناکام کوشش کرنی ہے؟ مقررین نے اہل طاقت عناصر میں موجود مخلص عناصر سے مطالبہ کیا کہ وہ خلافت کے قیام کے لئے حزب التحریرکو نصرت فراہم کریں تاکہ رسول اللہ صلی اللہ علیہ وسلم کی بشارت کو جلد از جلد پورا کیا جاسکے۔ آخر میں مظاہرین پرامن طور پر منتشر ہو گئے۔

(تصویریں)

''سٹریٹجک ڈائیلاگ‘‘ حقیقت میں سٹریٹجک سرنڈر ہے جس کے تحت حکمران پاکستان پر امریکی گرفت مزید مضبوط کر رہے ہیں۔ ڈائیلاگ کا مقصد پاکستان کو مائیکرو مینج کرنے کے لئے طریقہ کار وضع کرنا ہے تاکہ امریکہ بآسانی پاکستان کے ہر شعبہ میں دخل اندازی کر سکے۔ نیز پاکستان کے عوام کو یہ دھوکا دینا کہ امریکہ کو پاکستان کے مسائل حل کرنے کی بہت فکر لاحق ہے۔ مشترکہ اعلامیہ کے تحت جن شعبوں میں امریکہ پاکستان کو مائیکرو مینج کریگا ان میں معیشت، تجارت، توانائی، دفاع، سیکیورٹی، ایٹمی عدم پھیلائو، قانون کا نفاذ، انسداد دہشت گردی، سائنس اور ٹیکنالوجی، تعلیم، زراعت، پانی، صحت، مواصلات اور عوامی ڈپلومیسی کے شعبے شامل ہیں۔ سنٹرل کمانڈ کے چئیر مین جنرل ڈیوڈ پیٹریاس نے اسی پالیسی کو ''Whole of Government approach" ﴿پوری کی پوری حکومت﴾ کا نام دیا ہے۔ جس میں بجائے صرف چند حکمرانوںاور ملٹری لیڈرشپ کے ساتھ تعلقات استوار کرنے کے، تمام شعبوں کو خود کنٹرول کیا جائے۔ چنانچہ امریکہ ان شعبوں میں براہ راست مداخلت کر کے ایک متوازی حکومت قائم کرنا چاہتا ہے کیونکہ یہ غدار حکمران اس قدر نا اہل ہیں کہ وہ امریکی چاکری بھی احسن طریقے سے نہیں کر سکتے۔ ہم ان غدار اور نااہل حکمرانوں سے مطالبہ کرتے ہیںکہ وہ حکمرانی کی اہم ترین ذمہ داری ان لوگوں کے لئے چھوڑ دیںجو اس کے زیادہ اہل ہیں۔ مسلمانوں کی وہ عالمی قیادت ہے جو گزشتہ پچاس سال سے چالیس سے زائد ممالک میں خلافت کے لئے کام کر رہی ہے اور وہ دن دور نہیں جب حزب التحریر اپنے امیر الشیخ عطا بن خلیل ابو رشتہ کو خلیفہ کی ذمہ داریاں سونپ کر امت مسلمہ کو اس ظلم کی چکی سے نکالے گی۔

کئی مہینوں کی مشقت کے بعد پیش کیا گیا آئینی پیکج، جس پر مذہبی اور سیکولر جماعتوں نے اتفاق کیا، پاکستان میں رائج کفر کو برقرار رکھے گا۔ نہ صرف یہ کہ اس پیکج کی ایک بھی شق قرآن و سنت سے اخذ کردہ نہیں بلکہ اس کے ذریعے آئین میں تمام وہ کفریہ اور غیر اسلامی شقیں برقرار رکھی گئی ہیں جن کا اسلام سے دور کا بھی تعلق نہیں۔ مثلاً امریکہ ہماری زمین اور فضا دہشت گردی پر مبنی جنگ کے لئے استعمال کرتا رہے گا؛ آزادیٔ رائے کے نام پر جاری فحاشی جاری رہے گی، سودی کاروبار جاری رہے گا؛ صدر سمیت دیگر حکومتی شخصیات کو جرم کرنے کا استثنائ حاصل رہے گا، اقوام متحدہ جیسے استعماری ادارے کی کفریہ قرار دادوں اور قوانین کے تحت پاکستان کی خارجہ پالیسی چلائی جاتی رہے گی؛ ملٹی نیشنل کمپنیوں کانجکاری کے نام پر عوامی اثاثہ جات پر تسلط برقرار رہے گا، جس کی بنا پر آئے دن تیل اور گیس کی قیمتوں میں اضافہ ہوتا رہے گا۔ الغرض یہ اور اس جیسے سینکڑوں غیر شرعی قوانین جو آج پاکستان کے سیکولر آئین کی بدولت نافذ ہیں، پاکستان کے مسلمانوں پر ظلم ڈھاتے رہیں گے۔ ایسے میں افسوس تو ان مذہبی جماعتوں پر ہے جنہوں نے بغیر کسی چوں و چراں کے اس سیکولر آئینی پیکج پر مہر تصدیق ثبت کر دی ۔ انہوں نے اسلام کے عدم نفاذ اور کفر کے نفاذ کے خلاف رتی برابر بھی احتجاج نہیں کیا۔ بے شک اس سیکولر نظام کا حصہ بن کر اسلام کی خدمت تو ممکن نہیں بلکہ یہ کفریہ نظام ان مخلص افراد سے بھی کفر کے لئے حمایت حاصل کروا لیتا ہے۔ نیز اس پیکج میں دئے گئے صوبائی خودمختاری کے وسیع تر اختیارات نہ صرف اسلامی نظام حکومت سے متصادم ہیں بلکہ ضرورت پڑنے پر استعمار انہیں مستقبل میں ملک توڑنے کے لئے بھی استعمال کر سکتا ہے۔ ہم عوام کو متنبہ کرتے ہیںکہ یہ پیکج استعماری اور چند سیاستدانوں کے مفادات کے سوا کسی ملکی یا عوامی مفاد کا تحفظ نہیں کریگا۔ ایک اسلامی آئین مکمل طور پر قرآن، سنت، اجماع الصحابہ(رض) اور قیاس سے اخذ کیا جاتا ہے اور یہ آئین کسی بھی قانون کو اسلام کے علاوہ کسی دوسرے مآخذ سے اخذ کرنے کی اجازت نہیں دیتا۔ حزب التحریر نے نہ صرف امت کے سامنے اسلامی ریاست﴿خلافت﴾ کا مکمل آئین پیش کیا ہے بلکہ اسلامی نظام حکومت پر نہایت مفصل اوضخیم کتب بھی تحریر کی ہیں جو انٹر نیٹ پر بھی دستیاب ہیں۔ ہم عوام اور اہل علم کو دعوت دیتے ہیںکہ وہ اسلامی نظام حکومت کے تفصیلی جائزے کے لئے ان کا مطالعہ کریں۔ پاکستان کی ساٹھ سالہ آئینی قلابازیوں نے ثابت کر دیا ہے کہ صرف خلافت کے ذریعے ہی اسلام کا نافذ ممکن ہے۔