مجرمانہ دھماکوں کی مہم نے پاکستان کو ہلا کر رکھ دیا ہے ،جس کا نشانہ عورتیں ، بچے، بوڑھے ،طالب علم، پولیس اور مسلح افواج ہیں۔ دوسری طرف پاکستان کی مسلح افواج قبائلی علاقوں میں مصروف ہیں ۔ اور اس عید پر جب پوری دنیامیں مسلمان خوشیاں منا رہے تھے، وزیرستان کے لاکھوں مسلمان کی عید کھلے آسمان تلے ، شدید سردی ، بھوک اور افلاس کا سامنا کرتے ہوئے گزرگئی۔ زرداری حکومت کے تمام تر جھوٹے دعوؤں کے بر خلاف ،دھماکوں اورانتشار کی اس مہم کا تانہ بانہ دراصل امریکہ نے بُنا ہے تاکہ وہ افغانستان پر اپنے قبضے کو برقرار رکھنے کے لیے پاکستان کی مسلح افواج کو استعمال کر سکے۔

امریکہ نے افغانستان جیسے انتہائی سٹریٹیجکملک میں اپنے مفادات کو محفوظ بنانے کے لیے ہمیشہ پاکستان کی طاقت ، اس کے مستعد لوگوںاور اس کی باصلاحیت مسلح افواج پر انحصار کیا ہے۔ افغانستان وسط ایشیا تک رسائی حاصل کرنے کے کے لیے ایک دروازے کی مانند ہے اور اسے امریکہ اپنے اہم حریفوں کے خلاف محاذ کے طور پر استعمال کر سکتا ہے ۔ جب ماضی میں امریکہ کی مدِمقابل سپر پاور سوویت یونین افغانستان میں داخل ہو ئی، تو امریکہ نے قبائلی علاقوں بالخصوص وزیرستان کے مسلمانوں کے ذریعے سوویت یونین کے قبضے کو اکھاڑنے کے لیے پاکستانی انٹیلی جنس کے اہلکاروںپر ہی انحصار کیا ۔ پھر 11ستمبرکے واقعے کے بعد امریکہ اس خطے میں براہِ راست داخل ہوگیا ،اور یہ بھی صرف اسی صورت ممکن ہواجب پاکستان نے امریکی بمبار طیاروں کو اپنے جنگی اڈے فراہم کیے اور پاکستان کی انٹیلی جنس نے امریکی افواج کی راہنمائی کی اور پاکستان کی سرزمین سے امریکی افواج کے لیے خوراک ، رسد اور دیگر لاجسٹک سپورٹ فراہم کی گئی۔

تاہم آج امریکہ کو پاکستان کی افواج کی اشد ترین ضرورت ہے ، کیونکہ افغانستان میں امریکہ کے پائوں متزلزل ہو چکے ہیں، جس کی اہم وجہ قابض امریکی افواج پر پچھلے کئی سالوں سے وزیرستان کے علاقے سے ہونے والے پے درپے حملے ہیں۔ امریکہ کی اپنی فوج، جو اگرچہ جدید ترین اسلحے سے لیس ہے مگر بہادری جیسی صفت سے محروم ہے ، قبائلی علاقوں بالخصوص وزیرستان کے معمولی اسلحے سے لیس مسلمانوں کا سر جھکانے میں ناکام ہو چکی ہے۔ جہاں تک امریکہ کے یورپی اتحادیوں کا تعلق ہے، تو وہ افغانستان سے حتمی طور پراپنی فوجیں نکالنے کی بات کر رہے ہیں ، جبکہ حواس باختہ اوباما حکومت اس خطے سے متعلق ایک کے بعد دوسری ناکام پالیسیوں کا اعلان کر رہی ہے۔

اس نازک ترین صورتِ حال میں ، امریکہ کو درپیش مسائل میں سے ایک اہم مسئلہ پاکستان کی افواج میں امریکہ کے خلاف پائی جانے والی شدید نفرت ہے کہ جس کی ماضی میں مثال نہیں ملتی۔ بلکہ یہ جذبات تو پوری امتِ مسلمہ میں مضبوطی سے پیوست ہو چکے ہیں۔ امریکی اسٹیبلشمنٹ سے منسلک سینئر صحافی 'سیمور ہرش ‘نے نومبر2009میں ایک وسیع الاثر آرٹیکل لکھا،جو امریکہ کے مقتدر حلقوں میں بڑے پیمانے پر گردش میں رہا ، جس میں سیمور ہرش نے خبردار کرتے ہوئے کہا: ''طالبان کا اسلام آباد پر قبضہ کرنا ہی واحد خطرہ نہیں ، بلکہ یہ سب سے بڑا خطرہ ہے ہی نہیں۔ اہم ترین خطرہ بغاوت ہے :کہ پاکستانی فوج میں موجود انتہائ پسند عناصر اقتدار پر قبضہ کر سکتے ہیں ...اوباماانتظامیہ کے سینئر اہلکار نے حزب التحریر کا بھی تذکرہ کیا ، جو ایک سُنی تنظیم ہے جس کا ہدف خلافت کا قیام ہے۔ وہ پاکستانی فوج میں سرائیت کر چکی ہے اور اب فوج میں اس کے حلقے موجود ہیں‘‘۔ بے شک یہ اسلامی جذبات ہی ہیں کہ جس کی وجہ سے مشرف کے دور سے لے کر اب تک ،قبائلی علاقوں میں آپریشن کی بنا پر ، فوجی جوانوں اور افسروں کے انکار اور استعفوں کے واقعات جس کثرت کے ساتھ پیش آئے ہیںماضی میں اس کی کوئی مثال نہیں ملتی۔

پس پاکستانی فوج ، جو امریکہ کو سخت ناپسند کرتی ہے ،کو قبائلی علاقوں میں لڑنے پر آمادہ کرنے کے لیے امریکہ نے انتہائی گھٹیا اور خبیث اسالیب اپنائے تاکہ امریکہ کے خلاف جاری مزاحمت کو بدنام کیا جائے۔ امریکہ کی پرائیویٹ فوجی تنظیموںنے ،جو عراق اور افغانستان میں دھماکوں اورمخصوص شخصیتوں کی ٹارگٹ کِلنگ کی نگرانی کرتی ہیں، اب پاکستان میں بھی اپنی سرگرمیاں شروع کر رکھی ہیں ۔ اور امریکی انٹیلی جنس طالبان جنگجوئوں کے غیر مربوط اور ڈھیلے ڈھالے نیٹ ورک کے چند عناصر میں سرائیت کر چکی ہے ، اور اس نے چند طالبان جنگجوئوں کو اس بات پر آمادہ کر لیا ہے کہ وہ اپنے ہتھیاروں کے رُخ کو قابض صلیبی افواج کی بجائے پاکستانی افواج میں موجود اپنے ہی مسلمان بھائیوں کی طرف کر لیں۔
تاہم ان دھماکوں اور مخصوص شخصیتوں کی ٹارگٹ کلنگ کی امریکی مہم اس وقت تک ممکن نہ تھی جب تک زرداری حکومت اس میں امریکہ کو مدد فراہم نہ کرتی۔ یہ زرداری حکومت ہی ہے جس نے امریکی انٹیلی جنس اور فوجی تنظیموں کو دفاتر، اسلحے کے ڈپو اور محفوظ گھر فراہم کیے ہیں ، جس میں پشاور کا پی سی ہوٹل اور سہالہ پولیس ٹریننگ سینٹر بھی شامل ہیں۔ چنانچہ سہالہ پولیس ٹریننگ سینٹر امریکہ کے لیے اسلحے کے ڈپو میں تبدیل ہو چکا ہے اور صورتِ حال یہ ہے کہ ادارے کے انچارج کو اپنے ہی ادارے کے کچھ حصوں میں داخل ہونے کی اجاز ت نہیں ہے۔ اور جب امریکی اپنی شرانگیز سرگرمیوں کے لیے نکلتے ہیں توزرداری حکومت انہیں تحفظ فراہم کرتی ہے۔ جیسا کہ زرداری حکومت نے ان چار امریکیوں کو رہائی دلوائی جو اسلام آباد میں اس حالت میں گرفتار ہوئے تھے کہ ان کی گاڑی کی نمبر پلیٹ جعلی تھی اور ان کے پاس جدید کیمرے اوراسلحہ موجودتھا اور انہوں نے افغانیوں کا روپ دھار رکھا تھا۔ یہاں تک کہ زرداری حکومت ان مکروہ امریکی سرگرمیوں پر پردہ ڈالنے کے لیے ڈھٹائی سے جھوٹ بول رہی ہے۔ چنانچہ وزیر داخلہ رحمن ملک نے اصرار کیا کہ پاکستان میں ' بلیک واٹر‘ کا کوئی وجود نہیں ہے ، اگرچہ وہ اچھی طرح جانتا ہے کہ بلیک واٹر کا نیا نام 'ایکس اِی سروسزایل ایل سی‘ (Xe Services LLC)ہے جو زرداری حکومت کی بدولت پاکستان میں کام کر رہی ہے۔

اور چونکہ دھماکوں اورانتشار کی اس مہم کا تانہ بانہ امریکہ نے بُنا ہے، لہٰذا یہ کوئی حیرت انگیز بات نہیںکہ پشاور میں موجودامریکہ کی پرائیویٹ فوجی تنظیموںکی بجائے مینا بازار میں عورتوں اور بچوں کونشانہ بنایا گیا ۔ اور یہ بھی خلافِ توقع امرنہیں کہ اسلام آباد میں امریکی انٹیلی جنس اہلکار تو کسی بھی حملے سے محفوظ رہتے ہیں جبکہ اسلامی یونیورسٹی کے شریعہ ڈیپارٹمنٹ میں پڑھنے والے مسلمان بیٹوں اورعفت مآب بیٹیوںکے پرخچے اڑائے جاتے ہیں۔ اور چونکہ اس انتشار اور دھماکوں کے پسِ پردہ کفار ہیں لہٰذا یہ ایک متوقع امر ہے کہ علمائ اور فوجی افسران کی ٹارگٹ کلنگ ہوتی ہے جبکہ امریکی انٹیلی جنس اور امریکہ کے کرائے کے فوجی کھلم کھلا گھومتے نظر آتے ہیں۔

اورامریکہ ہی کی خدمت گزاری کے طور پر، زرداری حکومت قبائلی علاقوں میں افغانستان سے بھارتی عناصر کے داخل ہوجانے کا ڈھنڈورا پیٹتی رہتی ہے تاکہ پاکستانی افواج کو اس بات پر آمادہ کیا جائے کہ وہ امریکہ کی اس جنگ کو اپنے سر لے لیں۔ حالانکہ کوئی بھی صاحبِ عقل شخص دیکھ سکتا ہے کہ افغانستان پر امریکہ کے قبضے سے قبل اورایجنٹ کرزئی کو مسندِ اقتدار پر بٹھانے سے پہلے بھارت کے لیے یہ ممکن ہی نہ تھا کہ وہ افغانستان کے طول و عرض میں ایسی موجودگی قائم کر سکے۔ علاوہ ازیں بھارتی شر انگیزی کے خاتمے کی بجائے زرداری حکومت کومحض اس بات سے غرض ہے کہ کسی طرح امریکہ کو بچانے کی خاطر پاکستانی فوج کو قبائلی علاقوں میں لڑنے پر آمادہ رکھا جائے۔ یہی وجہ ہے کہ اگرچہ پاکستان کا وزیر خارجہ شاہ محمود قریشی ایک طرف یہ الزام تو لگاتا ہے کہ قبائلی علاقوں میں بھارت سرائیت کر چکا ہے لیکن وہ اس بین الاقوامی آواز میں اپنی آواز ملانے کے لیے تیار نہیں کہ امریکہ کو فوراً افغانستان سے اپنا بوریا بستر گول کرنا چاہیے، کہ جس کے نتیجے میں امریکی ایجنٹ حامد کرزئی بے یارو مدد گار ہو جائے گا اور یوں ایک بار پھر بھارت پر افغانستان کے دروازے بند ہو جائیں گے۔

اے مسلمانانِ پاکستان!

 یہ ہے وزیرستان میں جاری امریکی جنگ کی مکروہ اور حقیقی تصویر۔ ایک طرف توسوویت یونین اور برطانیہ کی مانند وزیرستان کے بہادر مسلمانوں کی وجہ سے امریکہ کی بنیادیں بھی ہل کر رہ گئیں ہیں۔ دوسری طرف امریکہ کے اتحادیوں نے اس کی مدد سے ہاتھ کھینچ لیا ہے ،نیزاس کے اپنے فوجی میدانِ جنگ پر جانے سے خوفزدہ ہیں۔ اس صورتِ حال کے پیشِ نظر امریکہ نے مدد کے لیے پاکستان کی افواج کا دروازہ کھٹکھٹایا،مگر اس نے دیکھا کہ پاکستان کی افواج اپنے شدید اسلامی جذبات کی وجہ سے امریکی جنگ لڑنے پر آمادہ نہیں۔ چنانچہ پھر امریکہ گھٹیا پن کے اس درجے پر اتر آیا کہ درندہ بھی اسے دیکھ کر شرما جائے،اور اس نے بم دھماکوں اور نمایاںشخصیات کی ٹارگٹ کلنگ کو استعمال کیا تاکہ پاکستان میں فوجی آپریشنوں کی فضائ بنا کر پاکستان کی افواج کو یہ جنگ لڑنے پر مجبور کیا جائے، کہ جس میں مرنے والا اور مارنے والا دونوں مسلمان ہیں، اور اس جنگ کا نتیجہ یہ ہے کہ ہزاروں مسلمان پناہ گزینوں کے سروں پر سخت سردی اور بھوک کی وجہ سے موت کا خطرہ منڈلا رہا ہے۔ یہ سب اس لیے کیا جا رہا ہے تاکہ امریکہ وسطی اور جنوبی ایشیائ کے مسلمانوں پر اپنا تسلط قائم کر سکے اور اسے اس خطے کی بے پناہ دولت پر کنٹرول حاصل ہو جائے۔

اور جہاں تک آپ کے حکمرانوں کا تعلق ہے ،تو مشرف کی مانند ، کرپٹ اورحرص وہوس کا پیکر زرداری اور اس کے حواری بھی آپ کی طاقت کو دشمن اور اس کی شر انگیز جنگ کے خلاف بروئے کار لانے کی بجائے دشمن ہی کا ساتھ دے رہے ہیں۔ اور انہوں نے آپ کے دشمن کو وہ تمام ذرائع فراہم کر دیے ہیں کہ جس کے ذریعے وہ اپنی سفاک مہم کو ممکن بنا سکیں۔ یہ ایجنٹ حکمران اپنے کافر آقائوں کی خدمت اوراپنے دنیاوی فائدے کی خاطر،پاکستان جیسی مسلم ریاست، جسے اللہ تعالیٰ نے بے شمار وسائل اور صلاحیتوں سے مالامال کیا ہے اور جس کی فوج دنیا کی ساتویں بڑی فوج ہے اور ایٹمی اسلحے سے لیس ہے ، کو انتشار اور تباہی کے گھر میں تبدیل کرنے کے لیے تیار ہیں۔ اللہ تعالیٰ نے ایسے ہی لوگوں کے متعلق ارشاد فرمایا ہے:

﴿ أَلَمْ تَرَ إِلَى الَّذِينَ بَدَّلُوا نِعْمَةَ اللَّهِ كُفْرًا وَأَحَلُّوا قَوْمَهُمْ دَارَ الْبَوَارِجَهَنَّمَ يَصْلَوْنَهَا وَبِئْسَ الْقَرَار﴾ ﴿ابراھیم: 28-29﴾

''کیا تم نے ان لوگوں کونہیں دیکھا جنہوں نے اللہ کے احسان کو ناشکری میں بدل دیا اور اپنی قوم کو تباہی کے گھر پہنچا دیا۔ یہ لوگ جہنم میں جلیں گے اوروہ رہنے کے لیے کیا ہی بری جگہ ہے ‘‘

اے مسلمانانِ پاکستان!

 یہی وہ وقت ہے کہ ہم اپنی ابتر صورتِ حال کو یکسر تبدیل کر دیں اور دشمن اور اس کے ایجنٹوں کو عبرت کا نشان بنا دیں۔ امریکہ کے ساتھ ایک دشمن ملک والا سلوک کیا جانا چاہیے، جو عراق اور افغانستان کے مسلمانوں پر حملہ آور ہے اور جس نے بھارت کے لیے افغانستان کے دروازے کھولے اور اب وہ پاکستان میں فتنے اور انتشار کی آگ بھڑکا رہا ہے۔ اورامریکی ایمبیسی اور قونصل خانوں کو لازماً بند کیا جائے۔ نیزاس کی انٹیلی جنس ایجنسیوں اور پرائیویٹ فوجی تنظیموںکو نکال باہرکیا جائے۔ اور امریکی افواج کے لیے کسی بھی قسم کی لاجسٹک مدد، انٹیلی جنس تعاون یا باہمی فوجی روابط ختم کیے جائیں۔ اور قبائلی علاقوں میں جاری جنگ کو ختم کیا جائے تاکہ ہماری افواج سرحدوں کی طرف اس مقصد کی خاطر متحرک ہوں کہ امریکہ کو افغانستان سے نکالا جائے۔ ان اقدامات کوپوری دنیا کے مسلمانوں کی حمایت حاصل ہو گی اور یہ اقدامات اُن ایجنٹوں اور منافقوں کو بے نقاب کر دیں گے جو کفار کے اتحادی بنے ہوئے ہیں۔ ارشادِ باری ہے:

﴿ بَشِّرْ الْمُنَافِقِينَ بِأَنَّ لَهُمْ عَذَابًا أَلِيمًاالَّذِينَ يَتَّخِذُونَ الْكَافِرِينَ أَوْلِيَاءَ مِنْ دُونِ الْمُؤْمِنِينَ أَيَبْتَغُونَ عِنْدَهُمْ الْعِزَّةَ فَإِنَّ الْعِزَّةَ لِلَّهِ جَمِيعًا﴾﴿النسائ:139﴾

''منافقوں کو دردناک عذاب کی خبر سنا دو،جو مؤمنوں کو چھوڑکر کافروں کو دوست بناتے ہیں،کیا یہ ان کے پاس عزت تلاش کرتے ہیں؟ عزت تو سب اللہ تعالیٰ ہی کے لیے ہے ۔‘‘

اور فرمایا:

{ يَا أَيُّهَا الَّذِينَ آمَنُوا لاَ تَتَّخِذُوا عَدُوِّي وَعَدُوَّكُمْ أَوْلِيَاءَ تُلْقُونَ إِلَيْهِمْ بِالْمَوَدَّةِ وَقَدْ كَفَرُوا بِمَا جَاءَكُمْ مِنْ الْحَقِّ} (الممتحنۃ:1)

''اے وہ لوگو جو ایمان لائے ہومیرے اور﴿ خود﴾ اپنے دشمنوں کواپنا دوست نہ بنائو تم تو دوستی سے ان کی طرف پیغام بھیجتے ہو اور وہ اس حق کا انکار کرتے ہیں جو تمہارے پاس آ چکا ہے ‘‘

آپ کا دشمن اس بات سے بخوبی آگاہ ہے،اورآپ کو بھی یہ بات جان لینی چاہیے کہ یہ سب ایک مخلص خلیفہ کی قیادت کے ذریعے ہی ممکن ہے، جو اللہ کے نازل کردہ احکامات کے ذریعے حکمرانی کرے ۔ بے شک اے مسلمانو! پاکستان میں خلافت کا قیام پوری امتِ مسلمہ کو دنیا کی سب سے مضبوط ریاست کی شکل میں یکجا کرنے کا نقطہ آغاز ہو گا ، یہ خلافت اللہ کے اذن سے امریکہ اور بھارت کے تمام تر شر اور خباثت کا خاتمہ کرے گی ، اپنے لوگوں کو انتشار اور مایوسی سے نجات دلائے گی ،اور امن و تحفظ، خوشحالی اور طاقت کے ایک نئے دور کا آغازکرے گی۔

آج 17اکتوبر سے زرداری نے وزیرستان میں فوجی آپریشن کا آغاز کر دیا ہے کہ جس کے متعلق زرداری حکومت نے مہینے کے شروع سے ہی بار بار اعلان شروع کردیا تھاکہ وزیرستان میں فوجی آپریشن کرناضروری ہے۔ یہ اعلانات کئی مہینوں تک وزیرستان کے مسلمانوں کامحاصرہ کیے رکھنے اور انہیں خوراک اور ضروریاتِ زندگی کی ترسیل کوکاٹ دینے کے بعد کیے گئے۔ نیزیہ اعلانات زرداری کی طرف سے اپنے دورۂ امریکہ کے دوران امریکی حکومت سے ہدایات حاصل کرنے کے بعد سامنے آئے ۔ اور یہ بھی محض اتفاق نہیں کہ حکومت کی طرف وزیرستان میں آپریشن کا اعلان اس موقع پر کیا گیا جب پے در پے دھماکوں اور حملوں کی ایک نئی لہر کے ذریعے پورے ملک میں خوف اور عدم تحفظ کی فضائ قائم ہو چکی تھی۔ اس لہر کا آغاز 9اکتوبر کوپشاور کے مصروف بازار میں دھماکے سے ہوا ،پھر 10اکتوبر کوراولپنڈی میں پاکستانی فوج کے ہیڈکوارٹرپر حملہ کیا گیا ، اس کے دو دن بعد 12اکتوبر2009کو شانگلہ بازار کے چوک میں فوجی کاروان کو نشانہ بنایا گیا، اس کے تین دن بعد 15اکتوبر کو لاہور میں کئی حملے کیے گئے اور پھر17اکتوبر کو پشاور میں سی آئی اے کے دفتر پر حملہ کیا گیا۔ ان خوفناک واقعات کے نتیجے میں درجنوں مسلمان لقمہ اجل بن گئے، جبکہ سینکڑوں لوگ زخمی اور اپاہج ہو گئے ہیں ،جن کے لواحقین غم و غصے کی تصویر بنے ہوئے ہیں۔

پس زرداری حکومت نے جس طرح سوات آپریشن سے قبل بھر پور میڈیا مہم کے ذریعے کنفیوژن اور خوف کی فضائ پیدا کی تھی تاکہ مسلمانوں کے قتلِ عام کے خلاف عوام کے ردِ عمل کو مفلوج کیا جائے،اسی طرح وہ حالیہ حملوں اور دھماکوں کو بھی امریکی ایجنڈے کے لیے استعمال کرنے کی بھر پور کوشش کر رہی ہے، قطع نظر یہ کہ ان مجرمانہ حملوں میں کون سے ہاتھ ملوث ہیں۔ چنانچہ زرداری حکومت نے فوراً ان حملوں کو وزیرستان میں آپریشن کی حمایت حاصل کرنے کے لیے استعمال کیا۔ یہ وہی وزیرستان ہے جو افغانستان پر قابض امریکی فوج کے خلاف حملوں کا گڑھ ہے، جن کے نتیجے میں افغانستان میں امریکی فوج کی حالت پتلی ہو چکی ہے اورخوف امریکی فوجیوں کے دل و دماغ پر حاوی ہو چکا ہے۔

جہاں تک ان حملوں کے پسِ پردہ ہاتھ کا تعلق ہے ، تو ہم یہاں یہ کہنا چاہیں گے کہ باخبر لوگ جانتے ہیں کہ امریکی انٹیلی جنس ایجنسیاں کئی سال قبل ہی پاکستانی ایجنسیوں کے ذریعے کچھ طالبان عناصرکے اندر جگہ بنا چکی ہیں اور نتیجتاً وہ ان لوگوں میں بھی داخل ہو چکی ہیں جو اپنے آپ کو القاعدہ کہتے ہیں۔ نیز پاکستان کے ایجنٹ حکمرانوں کوجولائی 2009میں ہی جی ایچ کیو پر حملے کے خطرے سے خبردار کر دیا گیا تھا ، لیکن ایسے کسی بھی حملے کو روکنے کے لیے ضروری احتیاطی تدابیر اختیار نہ کی گئیں ۔ اور زرداری اور اس کے حواری صرف اس وقت اپنی غفلت کی نیند سے بیدار ہوئے ،جو انہوں نے دانستاً اپنے اوپر طاری کر رکھی ہے، جب مسلمان اپنے پیاروں کی لاشیں گِن رہے تھے ، اور پھرفوراً انہوں نے اپنے امریکی آقائوں کو خوش کرنے کے لیے چیخناشروع کر دیا کہ وزیرستان میں فوجی آپریشن کی ضرورت ہے!! یہ سب اس کے علاوہ ہے کہ یہ حکمران ایمبیسی اور کونسل خانوں کی توسیع کے نام پر پاکستان میں امریکہ کی موجودگی کومزید پھیلانے میں مجرمانہ مدد فراہم کر رہے ہیں۔ اور امریکہ کی انٹیلی جنس ایجنسیاں اب پورے پاکستان میںخونی انتشاراورخوفناک بد امنی پھیلانے کی سٹریٹیجی پر عمل درآمد کے قابل ہو چکی ہیں۔ یہ وہی امریکی ایجنسیاں ہیں جواس سے قبل وسط امریکہ ، مشرقِ وسطی اور جنوب مشرقی ایشیائ میں یہی کھیل کھیل چکی ہیں۔ یہی نہیں بلکہ امریکہ کی پرائیویٹ فوجی تنظیم بلیک واٹر ،جوعراق میں سفاک جرائم سرانجام دے چکی ہے، اور ڈائینا کارپ پاکستان میںبلا روک ٹوک دندناتی پھر رہی ہیں ۔
اور اپنے امریکی آقائوں کی خدمت میں تازہ ترین تحفے کے طور پر زرداری حکومت نے حزب التحریر کے شباب کے خلاف گرفتاریوں اور تشدد کی مہم شروع کر دی ہے ، جو وزیرستان آپریشن اور امریکی راج کے خلاف کلمۂ حق بلند کر رہے ہیں ۔ چنانچہ بااثر طبقے میں اس آپریشن کی حقیقت کے متعلق آگاہی پیدا کرنے کے لیے دارلحکومت اسلام آباد میں حزب التحریرکی طرف سے منعقد کردہ سیمینار پر حکومتی اہلکاروں نے دھاوا بول کر حزب التحریرسے وابستہ30سے زائد افراد کو گرفتار کر لیا۔

زرداری اور اس کے حواری امریکہ کو یہ تمام انمول خدمات ایسے موقع پرپیش کر رہے ہیں ،جب امریکہ اس خطے میں شدیدمشکلات سے دوچار ہے۔ امریکی افواج افغانستان کی خطرناک دلدل میں ہاتھ پائوں مار رہی ہیں اور افغانستان سے ذلت آمیز انخلا کا خطرہ ان کے سر پر منڈلا رہا ہے۔ اور امریکہ کی سیاسی قیادت اس ناکام ہوتی صلیبی جنگ کو بچانے کے لیے مختلف راستے تلاش کرنے کی کوشش کر رہی ہے۔ اس حد تک کی امریکی صدر اوباما ''واضح‘‘ایف- پاک پالیسی کے اعلان کے چند ہی ماہ بعد ایک اور ''واضح‘‘پالیسی کی تشکیل پر غور و خوض کر رہا ہے۔ 16ستمبر 2009کو اوباما نے کہا: ''یقیناً جب تک آپ اپنی سٹریٹیجی کے متعلق بالکل واضح نہ ہوں آپ اپنے مرد و ں اورعورتوں کو میدانِ جنگ پر بھیجنے کا عزم نہیں کر سکتے‘‘۔ اورحقیقت یہ ہے کہ افغانستان میں افواج کی تعداد میں اضافہ ،مزاحمت کو تقسیم کرنے کی کوشش اور مجاہدین کو سیاسی عمل کا حصہ بنانے کے لیے سودے بازی جیسی گھسی پٹی تجاویز ناکام ہو چکی ہیں۔

پس اگر زرداری اور اس کے حواری نہ ہوتے تو امریکہ کے پاس افغانستان میں اپنی موجودگی کو برقرار رکھنے کے لیے کوئی آسرا باقی نہ رہتا،جہاں اسے مسلمانوں کی طرف سے شدید مزاحمت کا سامنا ہے ،اور یہ مزاحمت پچھلے آٹھ سالوں سے امریکہ کو اپنے قدم مستحکم کرنے سے روکے ہوئے ہے۔ لیکن زرداری کے کیا ہی کہنے کہ اب وزیرستان آپریشن کے ذریعے افغانستان میں جاری امریکہ کی جنگی کاروائیوں کو تقویت فراہم کی جائے گی اور دونوں اطراف سے بیک وقت کاروائی کے ذریعے مسلم مزاحمت کے گرد گھیرا تنگ کیا جائے گا۔ علاوہ ازیں امریکہ کو تحفظ فراہم کرنے کی اس کوشش کے نتیجے میں مسلمان شدید جانی نقصان سے دوچار ہوں گے ، جیسا کہ سوات آپریشن کے دوران ہوا تھا۔ اور سوات آپریشن کی مانند ایک بار پھر بے شمارمسلمان اپنے گھروں سے دربدر ہوجائیں گے؛ بوڑھے ، بچے اور عورتیں کسمپرسی میں مبتلا ہوںگے،تمام ملک عدم استحکام کا شکار ہو گا، اور شہادت کا جذبہ رکھنے والے لاکھوں مسلمان فوجیوں کو محض کرائے کی فوج کے طور پر استعمال کیا جائے گا جو افغانستان میں امریکہ کو یقینی ذلت سے بچانے کا کام سرانجام دے گی۔ اور کفار کے منصوبوں کی خاطر مسلمان ہی مسلمانوں کو موت کے گھاٹ اتاریں گے اور اللہ کا غضب مول لیںگے۔ جیسا کہ اللہ تعالیٰ نے ارشاد فرمایا:

وَمَنْ يَقْتُلْ مُؤْمِنًا مُتَعَمِّدًا فَجَزَاؤُهُ جَهَنَّمُ خَالِدًا فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَابًا عَظِيمًا

'' جو کو ئی کسی مومن کو قصداَقتل کر ڈالے، اس کی سزا جہنم ہے جس میں وہ ہمیشہ رہے گا، اس پر اللہ تعالیٰ کا غضب ہے ، اور اس پر اللہ تعالیٰ کی لعنت ہے اوراسکے لیے عظیم عذاب تیار کر رکھا ہے ‘‘﴿النسائ:93﴾

اے مسلمانانِ پاکستان!
آپ کب تک اپنے حکمرانوں کو اس بات کی اجازت دیں گے کہ وہ آپ کی طاقت اور وسائل کو امریکہ کے مفاد کے لیے استعمال کرتے رہیں؟ ماضی میں امریکہ نے پاکستان کی افواج ، بے پناہ وسائل ، بہادر افراد اور تخلیقی صلاحیتوں کواستعمال کیا تاکہ افغان مجاہدین کی مدد سے روس کو شکست دی جائے۔ پھر امریکہ نے پاکستانی قیادت کے ذریعے طالبان کی مدد کی تاکہ افغانستان میں استحکام لایا جائے اور اسے وسط ایشیائ سے تیل اور گیس کی ترسیل کا راستہ بنایا جائے۔ پھر مشرف کے دورِ حکومت میں امریکہ نے افغانستان پر قبضے کو ممکن بنانے کے لیے پاکستان کے وسائل کو استعمال کیا۔ اور اب امریکہ زرداری حکومت کی ملی بھگت سے پاکستان کی افواج کے مسلمان بیٹوں کو افغانستان میں جاری صلیبی جنگ میں ایندھن کے طور پر استعمال کر رہا ہے تاکہ افغانستان میں برپا مزاحمت کا مقابلہ کر کے اسے ناکام بنایا جائے اور پاکستان میں امریکی موجودگی کو وسعت دی جائے ۔ اور اس سنگین غداری کے بدلے میںمسٹر 10پرسنٹ زرداری پاکستان کے عوام کو ڈالروں کا لالچ دے رہا ہے اور چاہتا ہے کہ اس کی طرح پاکستان کے مسلمان بھی امریکہ کو اپنا دوست اور مددگار تصور کرلیں، جبکہ اللہ تعالیٰ نے قرآن میں واضح کر دیا ہے:

مَثَلُ الَّذِينَ اتَّخَذُوا مِنْ دُونِ اللَّهِ أَوْلِيَاءَ كَمَثَلِ الْعَنكَبُوتِ اتَّخَذَتْ بَيْتًا وَإِنَّ أَوْهَنَ الْبُيُوتِ لَبَيْتُ الْعَنْكَبُوتِ لَوْ كَانُوا يَعْلَمُونَ

''جن لوگوں نے اللہ کے سوا دوسروں سے دوستی کی ،ان کی مثال مکڑی کی طرح ہے جس نے اپنا گھر بُن لیا اور یقینا گھروں میں سب سے کمزور گھر مکڑی کا ہوتا ہے -اگر یہ لوگ جانتے ہوتے‘‘﴿العنکبوت: 41 ﴾

اس شرکا علاج ایک ہی ہے کہ غداراور کرپٹ زرداری کو ہٹایا جائے اور اس نظام کا جڑ سے خاتمہ کیاجائے جو ہمیشہ اسی قسم کے حکمرانوں کو جنم دیتا ہے، اور اس کی بجائے اسلامی خلافت کو قائم کیا جائے جو اسلام کو نافذ کرے گی، پوری امت کو یکجا کرے گی اور اسلامی علاقوں میں صلیبیوں کی ہر قسم کی موجودگی کے خاتمے کے لیے مسلمانوں کے بے پناہ وسائل کو بروئے کار لائے گی۔

اے اہلِ قوت! اے مسلمانانِ افواجِ پاکستان!

آپ کس طرح اس بات کو قبول کر سکتے ہیں کہ یہ حکمران آپ کے قیمتی خون کو امریکہ کو بچانے کے لیے بے دریغ بہائیں؟ آپ کس طرح یہ قبول کر سکتے ہیں کہ آپ کسی بھی حیثیت میں امریکہ کے ایجنڈے کو پورا کریں ، وہ صلیبی امریکہ جس نے مسلمانوں کے خلاف جنگ شروع کر رکھی ہے اور وہ مسلمانوں کے خلاف ہندوئوں اور یہودیوں کی پشت پناہی کرتا ہے ،اور اس نے آپ پر نظر رکھنے کے لیے پاکستان میں اپنی خاطر خواہ موجودگی کو قائم کر لیا ہے جبکہ دوسری طرف وہ آپ ہی سے مطالبہ کر رہا ہے کہ آپ اس کی مدد کریں؟! اور محترم بھائیو! آپ کو یہ بات نہیں بھولنی چاہئے کہ ان ایجنٹ حکمرانوں کے احکامات پر چلنا اُس دن آپ کے کسی کام نہیں آئے گا جو پوری کائنات کے لیے سب سے بھاری دن ہوگا۔ کیا آپ اللہ کے غضب سے خوفزدہ نہیں جس میں قیامت کے دن وہ لوگ مبتلا ہوںگے جنہوں نے اللہ کی نافرمانی کرتے ہوئے اپنے قائدین کی فرمانبرداری اختیارکی ، اور ان قائدین نے انہیں گمراہ کر دیا؟ اللہ نے قرآن میں بیان کیا ہے کہ وہ سب جہنم میں ڈالے جائیں گے :

يَوْمَ تُقَلَّبُ وُجُوهُهُمْ فِي النَّارِ يَقُولُونَ يَا لَيْتَنَا أَطَعْنَا اللَّهَ وَأَطَعْنَا الرَّسُولَا * وَقَالُوا رَبَّنَا إِنَّا أَطَعْنَا سَادَتَنَا وَكُبَرَاءَنَا فَأَضَلُّونَا السَّبِيلَا

''جس دن ان کے منہ آگ میں الٹ دیے جائیں گے ، وہ کہیں گے اے کاش! ہم نے اللہ اور اس کے رسول ﷺکا کہا مانا ہوتا،اور وہ کہیں گے اے ہمارے پروردِگار ہم نے اپنے سرداروںاور بڑوںکی اطاعت کی تو اُنہوں نے ہمیں سیدھی راہ سے گمراہ کر دیا‘‘۔﴿الاحزاب: 66-67 ﴾

پس آپ پر لازم ہے کہ آپ زرداری کو اقتدار سے ہٹا ئیںاور حزب التحریرکو خلافت کے قیام کے لیے مدد و نصرت دیں ، جس کے نوجوان جابر حکمرانوں کے سامنے مضبوطی سے کھڑے ہیں اوراس فرض کی ادائیگی میں اللہ کے سوا کسی سے نہیں ڈرتے، تاکہ آپ کوایسے مخلص خلیفہ کی قیادت حاصل ہو جائے جو امریکی انٹیلی جنس ایجنسیوں اور افواج کو خطے سے نکل جانے کا حکم دے گا اور اس کا عمل اس کے الفاظ کی گواہی دے گا۔ نیز اس کا یہ عمل مجاہدین میں سے مخلص لوگوں کو خلافت کے گرد جمع کردے گا اور امتِ مسلمہ کے اعتماد کوقائم کر ے گا اور امت پھر اسی طرح اپنے خلیفہ کے حق میں دعائیں کرے گی جیسا کہ ماضی میں ہوتا تھا ،جب خلافت کی افواج ایک کے بعد دوسرے علاقوں کو فتح کیا کرتی تھیں اور اسلام کے نور کو پوری دنیا میں پھیلاتی تھیں۔

رَبِّ انصُرْنِي عَلَى الْقَوْمِ الْمُفْسِدِينَ

''اے میرے رب مجھے مفسدلوگوں سے نجات عطا فرما‘‘﴿العنکبوت: 30 ﴾