بسم الله الرحمن الرحيم

(ژباړه)

له یوې خوا د غزې پر وړاندې وحشیانه جګړه روانه ده او له بلې خوا د مسلمانانو لښکرې په ځانګړې توګه هغوی چې فلسطین ته نږدي دي په داسې حال کې غلې دي او مداخله نه کوي چې په غزه کې د یهودیانو لخوا شپه او ورځ عام‌وژنه روانه ده. له دغې وحشیانه جګړې څخه اوس د کفري اشغالګرو هېوادونو په ځانګړې توګه د امریکا او برېتانیې له خوا د فلسطین لپاره د دوه دولتونو د حل لارې له وړاندې کولو سره ملاتړ کیږي. دا حل لاره اصلا د فلسطین پر اکثریت خاوره د یهودي دولت رامنځته کول او په ځینو هغو کوچنیو برخو کې چې غیر نظامي تعریف شوي دي فلسطینیانو ته دپناه ورکول دي! دا حل لاره د مسلمانانو د خاورو او په ځانګړې توګه د فلسطین په شاوخوا کې د عرب هېوادونو د واکمنانو پر ژبو په کراتو تکرار شوې ده او  فلسطیني اداره د دې غوښتنې په سر کې ده.

لومړی شاوخوا پنځوس ورځې پر غزې وحشیانه یرغل روان و. وروسته د یهودانو له خوا د یوې اونۍ لپاره اوربند وشو. له یوې اونۍ وروسته یې اوربند لغوه کړ او په ډیر وحشت سره یې خپل بریدونه پرته له دې چې اسلامي لښکرې مداخله وکړي بیا پیل کړل. دا هر څه د دې لپاره وشول، ترڅو داسې وښيي چې یهودي دولت یو مهم او پیاوړی قدرت دی، داسې قدرت چې د مسلمانانو لښکري اصلاً له دوی سره د مبارزې توان نه لري. دوی غواړي په دې ډول د دوه دولتونو د ناوړه پروژې په اړه خبرو اترو ته لار پرانیزي او دا کار له الله سبحانه وتعالی، د هغه له رسول الله صلی الله علیه وسلم او مومنانو سره لوی خیانت دی.

اې د اسلامي خاورو واکمنانو:

یهودان او دولت یې د جنګ او بریا خلک نه دي، بلکې دوی هغه قوم دی چې په اړه یې الله سبحانه وتعالی فرمایي:

 لَنْ يَضُرُّوكُمْ إِلَّا أَذًى وَإِنْ يُقَاتِلُوكُمْ يُوَلُّوكُمُ الْأَدْبَارَ ثُمَّ لَا يُنْصَرُونَ [عمران:۱۱۱]

ژباړه:  دوی تاسو ته هېڅ ډول ضرر نه شي اړولی، یوازې دومره کولی شي چې تاسو په تنګ کړي. که دوی له تاسو سره وجنګیږي، نو دوی به په جنګ کې تاسو ته شا واړوي او داسې به بې وسه شي چې له هېڅ لوري به ورته مرسته نه رسیږي.

تاسو وینئ چې مومن ځوانان د یهودانو په پرتله د کمزورو او لږ شمیر وسلو په مرسته له یهودانو سره جګړه کوي، خو یهودان پرې تر نن پورې بریالي شوي نه دي. فکر وکړئ، که چېرې دې جګړې ته د مسلمانانو لښکرې دننه شي، د مسلمانانو ټول لښکر هم نه، یوازې هغوی چې د فلسطین شاوخوا پراته دي او یا حتی دوی هم ټول نه، بلکې یوازې ځینې یې حرکت وکړي، نو د یهودي دولت به هېڅ نښه هم پاتې نه شي.

فلسطین اسلامي خاوره ده، حضرت عمر فاروق رضی الله عنه فتحه کړه، صلاح الدین ایوبي ازاده کړه او عبدالحمید ثاني وساتله. دا د پلورلو جنس نه دی. دا خاوره د خپلو خلکو ترمنځ تفرقه او د خپل ځان داسې ویش نه مني چې یوه برخه یې د داسې اشغالګرو لخوا اشغال وي چې دوی ترې خپل خلک (څښتنان) وشړي. د دې خاورې حل لاره د دوه دولتونو حل لاره نه ده، بلکې اصلي حل لاره یې هغه ده چې عزیز او جبار الله سبحانه وتعالی بیان کړې ده:

وَاقْتُلُوهُمْ حَيْثُ ثَقِفْتُمُوهُمْ وَأَخْرِجُوهُمْ مِنْ حَيْثُ أَخْرَجُوكُمْ [بقره:۱۹۱]

ژباړه: له دوی سره چې هر چېرته مخ شوئ وجنګیږئ او له هغه ځایه یې وباسئ چې تاسو یې ترې ایستلي یاست.

اې د اسلامي خاورو واکمنانو:

ايا په غزه کې د شپيتو زرو مسلمانانو شهادت او ټپي کېدل کافي نه دي چې پر ملاتړ یې لښکرې بسیج او حرکت ورکړئ!؟ الله سبحانه وتعالی فرمايي:

 وَإِنِ اسْتَنْصَرُوكُمْ فِي الدِّينِ فَعَلَيْكُمُ النَّصْرُ [انفال:۷۲] 

ژباړه: کله چې څوک د دین لپاره له تاسو نصرت وغواړي، نو پر تاسو فرض ده چې دوی ته نصرت ورکړئ.

ايا د غزې د ماشومانو چيغې، د ميندو ژړا، د دردېدلو اهونه او د زړو ښځو او سپين ږيرو فریادونه کافي نه دي، چې په ملاتړ یې لښکرو ته حرکت ورکړئ!!؟

ايا د عام وژنو دوام، د شهیدانو د جسدونو او د بدن د غړو ټوټې کول او د غزې تر خاورو لاندې د شهيدانو او ټپيانو وينې د غزې د خلکو د ملاتړ او نصرت لپاره کافي نه دي!!؟

ایا تاسو یې نه وینئ؟ نه یې اورې؟ ایا په رګونو کې مو د هاشم د غزې د نصرت لپاره وینه په جوش نه راځي!!؟

ایا تاسو د الله سبحانه وتعالی، د هغه د رسول صلی الله علیه وسلم او د مؤمنانو پر وړاندې شرم نه کوئ چې نصرت نه ورکوئ؟ په حقيقت کې د بخاري په حدیث کې رسول الله صلى الله عليه وسلم ریښتیا ویلي دي. هغه وايي چې ادم روايت کوي چې هغه له شعبه منصور نه روايت کوي چې هغه وويل چې ما له ربيع بن حراش څخه اورېدلي دي چې هغه له ابو مسعود رضی الله عنه څخه روایت کوي چې رسول الله صلی الله علیه وسلم وفرمایل:

«إِنَّ مِمَّا أَدْرَكَ النَّاسُ مِنْ كَلَامِ النُّبُوَّةِ إِذَا لَمْ تَسْتَحْيِ فَاصْنَعْ مَا شِئْتَ»

ژباړه: په حقیقت کې پر هغه څه چې خلک د پیغمبرانو له ویناو څخه پوهیږي هغه دا دي چې "که تاسو شرم ونه لرئ، نو هر څه چې وغواړئ هغه وکړئ."

اې د اسلامي خاورو واکمنانو:

موږ پوهیږو چې له کفري اشغالګرو په ځانګړې توګه له امریکا سره ستاسو وفاداري او له هغوی څخه ستاسو پیروي هغه څه دي چې تاسو د غزې او د غزې د مسلمانانو له نصرت څخه منع کوي، ترڅو خپل غیر شرعي قدرت وساتئ. تاسو دا له یاده ایستلي چې په دې کار سره مو نه یوازې خپل آخرت له لاسه ورکړی، بلکې د دنیا ژوند مو هم بایللی دی. په حقیقت کې به دغه اشغالګر کفار هغه وخت چې ستاسو په مرسته خپلو موخو ته ورسیږي، نو تاسو به د خځلو په څېر کندو او ژورو ته وغورځوي او ستاسو د قدرت تختونه به چپه کړي. دا هغه څه دي چې دغو کفري اشغالګرو له هغو کسانو سره کړي چې له تاسو  مخکې وکمنان وو او که پوه شئ، نو دا ستاسو لپاره یو عبرتناک درس دی. قوي او عزیز الله سبحانه وتعالی فرمایلي دي:

أَفَلَمْ يَسِيرُوا فِي الْأَرْضِ فَتَكُونَ لَهُمْ قُلُوبٌ يَعْقِلُونَ بِهَا أَوْ آذَانٌ يَسْمَعُونَ بِهَا فَإِنَّهَا لَا تَعْمَى الْأَبْصَارُ وَلَكِنْ تَعْمَى الْقُلُوبُ الَّتِي فِي الصُّدُورِ [حج:۴۶]

ژباړه: ایا دوی (سرغړونکي) په ځمکه کې ګرځېدلي راګرځېدلي نه دي، ترڅو یې زړونه عبرت اخیستونکي (حق) ته خلاص شوي  وی او غوږونه یې د (حق) اورېدونکي ګرځېدلي وی؟ حقیقت دا دی چې سترګې نه ړندیږي، خو هغه زړونه ړندیږي (له حق ګرځي) چې په سینو کې دي.

اې د اسلامي لښکرو سرتیرو:

نیږدې دوه میاشتې کیږي چې په غزه کې ستاسو پر خویندو او وروڼو د یهودانو لخوا وحشیانه تیری پیل شوی او یهودي دولت په خپل ټول زور او وحشت سره د غزې د خلکو عام وژنه کوي، دوی ښځې، ماشومان، علماء او بوډاګان وژني او دا عام وژنه لا هم روانه ده. حاکمان د غزې د دغې عام وژنې او د خلکو د کورونو، روغتونونو، مسجدونو او بنسټونو د ویجاړولو ننداره کوي، خو تاسو په غزه کې ستاسو د وروڼو له ملاتړ څخه منع کوي او تاسو هم د دې ټولو ظلمونو پر وړاندې بې حرکته، چوپ، او غلي یاست! ایا له دې نه وېرېږئ چې دغه چوپتیا به پر تاسو د قهار رب د غضب د نازلېدلو لامل شي؟

يَا أَيُّهَا الَّذِينَ آمَنُوا مَا لَكُمْ إِذَا قِيلَ لَكُمُ انْفِرُوا فِي سَبِيلِ اللهِ اثَّاقَلْتُمْ إِلَى الْأَرْضِ أَرَضِيتُمْ بِالْحَيَاةِ الدُّنْيَا مِنَ الْآخِرَةِ فَمَا مَتَاعُ الْحَيَاةِ الدُّنْيَا فِي الْآخِرَةِ إِلَّا قَلِيلٌ * إِلَّا تَنْفِرُوا يُعَذِّبْكُمْ عَذَاباً أَلِيماً وَيَسْتَبْدِلْ قَوْماً غَيْرَكُمْ وَلَا تَضُرُّوهُ شَيْئاً وَاللهُ عَلَى كُلِّ شَيْءٍ قَدِيرٌ [توبه: ۳۸-۳۹]

ژباړه: اې مومنانو! پر تاسو څه شوي دي، کله چې تاسو ته د الله په لاره کې د وتلو (قتال) وویل شي، نو تاسو په ځمکه درانده کېنئ. ایا تاسو د اخرت په مقابل کې د دنیا ژوند غوره کړی دی؟ که داسې وي، نو باید پوه شئ چې د دنیا د ژوند ټول وسایل او ټوله دنیا د اخرت په مقابل کې ډېر لږ یا هېڅ ارزښت نه لری. که چېرې تاسو د (قتال) لپاره ونه وزئ، نو الله سبحانه وتعالی به تاسو ته ډېر درناک عذاب درکړي. تاسو به له منځه یوسي او پر ځای به مو بل قوم راپورته کړي او تاسو به الله سبحانه وتعالی ته هېڅ زیان ونه شئ رسولی. الله سبحانه وتعالی پر هرڅه قادر دی.  

ایا د دوو غوره پايلو (بریا یا شهادت) هیله نه لرې؟

 [يَغْفِرْ لَكُمْ ذُنُوبَكُمْ وَيُدْخِلْكُمْ جَنَّاتٍ تَجْرِي مِنْ تَحْتِهَا الْأَنْهَارُ وَمَسَاكِنَ طَيِّبَةً فِي جَنَّاتِ عَدْنٍ ذَلِكَ الْفَوْزُ الْعَظِيمُ * وَأُخْرَى تُحِبُّونَهَا نَصْرٌ مِنَ اللهِ وَفَتْحٌ قَرِيبٌ وَبَشِّرِ الْمُؤْمِنِينَ] [صف:۱۲-۱۳]

ژباړه: الله سبحانه وتعالی به ستاسو ګناهونه وبښي او تاسو ته به هغه جنتونه درکړي چې ترې لاندې ویالې بهیږي او په دایمي جنتونو کې به غوره استوګنځي درکړي او دا تر ټولو ستره بریا ده. او هغه بل نعمت (دنیوي نعمت) چې تاسو یې خوښوئ، هغه به هم درکړي، د الله سبحانه وتعالی نصرت او فتحه ډېره نیږدې ده او مؤمنانو ته زیری ورکړه.

ایا په دنیا او آخرت دواړو کې د عزتمن کېدلو هیله او ارمان نه لرئ؟

اې د اسلامي لښکرو سرتیرو:

په غزه کې خپلو وروڼو او خویندو ته د نصرت په ورکولو کې بیړه وکړئ. که واکمنان ستاسو مخه نیسي، نو دوی په هره ممکنه لاره له مخې لرې کړئ. په مبارکه خاوره کې د خپلو وروڼو او خویندو نصرت وکړئ او د یهودانو لپاره ماتې داسې قطعي کړئ، لکه څنګه چې په القدس شریف کې د صلیبیانو او په عین جالوت کې د مغولو لپاره ماتې پرېکنده او قطعي وه. په دې ډول به ټول فلسطین داسې د اسلام او مسلمانانو وګرځي لکه څنګه چې مخکې و. دغه مبارکه خاوره به بیا د خلافت تر بیرغ او د رسول الله صلی الله علیه وسلم د رأیې تر سیوري لاندې وي، ځکه چې دا د اسراء او معراج مبارکه خاوره ده ... خپله هم مبارکه خاوره ده او شاوخوا یې هم مبارکه ده.

سُبْحَانَ الَّذِي أَسْرَى بِعَبْدِهِ لَيْلاً مِنَ الْمَسْجِدِ الْحَرَامِ إِلَى الْمَسْجِدِ الْأَقْصَى الَّذِي بَارَكْنَا حَوْلَهُ لِنُرِيَهُ مِنْ آيَاتِنَا إِنَّهُ هُوَ السَّمِيعُ الْبَصِيرُ [اسرأ:۱]

ژباړه: هغه ذات پاک دی چې یوه شپه یې خپل بنده له مسجد الحرام څخه تر مسجد الاقصی پورې چې د هغه شاوخوا یې برکتي کړه، یووړ، ترڅو پرې خپلې ځينې نښې وګورو. په حقیقت کې همدغه الله سبحانه وتعالی د هرڅه اورېدونکی او لیدونکی دی. [اسراء: 1]

اې سرتېرو راوړاندې شئ، د هاشم په غزه کې د خپلو وروڼو او خویندو نصرت وکړئ. د الله سبحانه وتعالی نصرت وکړئ، ترڅو هغه سبحانه وتعالی ستاسو نصرت وکړي.

يَا أَيُّهَا الَّذِينَ آمَنُوا إِنْ تَنْصُرُوا اللهَ يَنْصُرْكُمْ وَيُثَبِّتْ أَقْدَامَكُمْ * وَالَّذِينَ كَفَرُوا فَتَعْساً لَهُمْ وَأَضَلَّ أَعْمَالَهُمْ * ذَلِكَ بِأَنَّهُمْ كَرِهُوا مَا أَنْزَلَ اللهُ فَأَحْبَطَ أَعْمَالَهُمْ [محمد:۷-۹]

ژباړه: اې مؤمنانو، که تاسو د الله سبحانه وتعالی دین ته نصرت ورکړئ، نو الله سبحانه وتعالی به تاسو ته نصرت درکړي او ستاسو قدمونه به محکم کړي. او هغه کسان چې کافران شوي دي، د دوی لپاره هلاکت دی، الله سبحانه وتعالی د دوی عملونه ضایع کړي دي. د دې لامل دا دی چې دوی دغه قران چې الله سبحانه وتعالی نازل کړی دی بد وګاڼه (په حکم یې عمل ونه کړ)، نو الله سبحانه وتعالی د دوی عملونه له منځه یووړل.

۱۴۴۵ هـ.ق کال، د جمادی الاولی ۲۰مه

۲۰۲۳م کال، د ډسمبر ۴

حزب التحریر

 (ژباړه)

هر باانصافه انسان که وغواړي او یا ونه غواړي، په دې باوري دی چې د تاریخ په اوږدو کې پوځونو د هر امت برخلیک ټاکلی او په هره سیاسي او تمدني شخړه کې وروستۍ خبره دوی کړې ده. یو دولت خپل کورنی او بهرنی سیاست د خپل پوځ د قدرت پر اساس ټاکي او په حقیقت کې یوازې پوځ د یوه دولت مقام او  موقف د نورو دولتونو تر منځ ټاکلی شي. د امریکا تصمیمونه، اړیکې، د جګړې او سولې اعلان، د ډالر د ارزښت ټاکل او داسې نور ټول په نظامي ځواک تکیه دي او د امریکا نظامي ځواک دغه هېواد په نړۍ کې په لومړي سیاسي قدرت بدل کړی دی.

په دې کې شک نشته چې د هر امت اصل او اساس د هغه فکري ثروت دی؛ خو دغه فکري ثروت هغه مهال اغېز کوي چې له ځان سره د نظامي ځواک ملاتړ ولري. همدارنګه که چېرې استعمار غواړي چې پر یوه هېواد برید وکړي، نو موږ وینو چې د خپلو ګټو د خوندي کولو لپاره د نظامي ځواک د باور د ترلاسه کولو هڅې کوي او ان له اشغال وروسته د خپل امنیت د ساتلو لپاره پر هغه تکیه کوي او د همغه هېواد له اولادونو څخه د ځان لپاره یوه امنیتي مرجع جوړوي او یا له سیمه‌ییزو نظامي ځواکونو سره د امنیتي همغږۍ غوښتنه کوي. هر څوک چې عربي کودتاوې تعقیب کړي، دا پکې موندلی شي چې د هغو کودتاوو برخلیک د پوځ تصمیمونو ټاکلی دی او د هغو پایله یې بدله کړې ده.

پر همدغه اساس هر هغه تمدني او سیاسي پروژه چې مسوولین یې په خپل پلان کې د نظامي قدرت د ترلاسه کولو لپاره طرحه ونه لري؛ دا پروژه بې اساسه او ناکامه ده. له همدې امله هر هغه پروژه چې پوځ یې تبني کړي، هغه عملي کېږي؛ نو ځکه د دعوتګرو او سیاستوالو په ذهنیت کې د پوځونو ارزښت ته ځای نه ورکول، په حقیقت کې د قدرت له یوې لویې سرچینې څخه لاس اخیستل دي.

له همدې امله رسول الله صلی الله علیه وسلم به د قبیلو تر منځ د قدرت په سرچینو پسې ګرځېده او د هغوی د باور جلبولو لپاره به یې سختې هڅې کولې؛ که داسې نه وی نو د هغه صلی الله علیه وسلم دغه دعا په څه معنا ده: «اللَّهُمَّ أَعِزَّ الإسلَامَ بِأَحَبَّ الرَّجُلَینِ إِلَیکَ»؛ اې ربه! اسلام ته په دغو دوو کسانو کې په یوه سره چې ستا خوښ وي، قوت ورکړه»؟ عمر رضی الله عنه له قدرت او قوت پرته بل څه صفت درلود، چې رسول الله صلی الله علیه وسلم ورته هیله‌من و؟ ان په  (عَبَسَ وَ تَوَلَی) کې د الله سبحانه وتعالی لخوا رسول الله صلی الله علیه وسلم ته امر وشو، چې د قریشو مشران دې راوبولي او هغه صلی الله علیه وسلم به دوی ته د قناعت ورکولو لپاره هڅې کولې.

موږ نه پوهېږو چې نن ورځ اسلامي علماء له دغه واقعیت څخه ولې ناخبره دي، چې رسول الله صلی الله علیه وسلم تر ۱۶ ډېرې قبیلې ولیدلې او له هغوی څخه یې د خپل دغه رسالت: «پر ما ایمان راوړئ... له ما څخه ملاتړ وکړئ... او زما نصرت وکړئ» لپاره د قدرت او ځواک غوښتنه کوله، تر دې چې د دغه مکلفیت لپاره شرعي اصطلاح "طلب النصرة" وکارول شوه او یارانو یې چې لویې درجې یې ترلاسه کړې، انصار ونومول شول؛ ان ویلی شو چې د مدینې منورې دولت د انصارو رضی الله عنهم لخوا د یوه نظامي تصمیم په مرسته تاسیس شو.

پوځونه باید خپل اهمیت او مکلفیت ته راوبلل شي، په دې برخه کې د مشهورو دعوتګرو نه پاملرنه د دې لامل شوې، چې حکام دې د امت پوځونه پر خپلو امنیتي موسسو او بنسټونو بدل کړي. یا په بل عبارت، موږ د پوځونو دعوت پرېښی دی او په دې سره مو هغوی حکامو ته سپارلي دي!

دعوتګرو نه یوازې دا چې د امت اولادونه یې په پوځونو کې پرېښي دي، بلکې هغوی یې په مرتد کېدو او خیانت تورن کړي او خپل دښمنان یې بللي دي! له همدې امله دعوتګران په خپل دعوت کې د قدرت د سرچینو د جذب لپاره په بېلابېلو ګمراه کوونکو لارو کې سرګردانه دي؛ ځینو یې د سیمې قدرتونو ته د وسلو او ملاتړ په موخه د سوال لاس اوږد کړی، مګر مشروطې وسلې یې ترلاسه کړې، چې دوی یې د همغو قدرتونو تابع کړي دي او پایله نوره هم د ګمراهۍ خواته تللې ده. ځینې یې د خپلو ګټو د خوندي کولو او د تدریجي اسلام د تطبیق لپاره د حکامو غېږو ته لوېدلي دي او له هغوی څخه یې په سیاسي برخه کې د یو ځایوالي غوښتنه کړې ده؛ چې په پایله کې یې نه شریعت پلی شوی او نه یې ګټې خوندي شوې دي، بلکې په حاکم نظم کې ور ګډ شوي او د هغه ناوړه څېره یې له خلکو څخه نوره هم پټه کړې ده! همدارنګه له دوی څخه ځینې ډلې په وسله‌والو شخړو کې ښکېل شوې، چې خپلو خاورو ته یې له ورانیو او ویجاړیو پرته بل څه نه دي ورکړي.

کوم حقیقت چې ډېری کسان پرې ناخبره دي، هغه دا دی چې د امت لښکریان او پوځونه هم د مسلمانانو اولادونه دي، د هغوی په منځ کې هم خاین او هم منافق شته دی، متقي او مخلص کسان هم پکې شته دي، موږ چې پر کوم شي دردېږو، دوی هم پرې دردېږي او پر کوم شي چې خوشحالېږو، دوی هم خوشحالېږي؛ د بېلګې په توګه که د مصر په پوځ کې د انور سادات په څېر کس هم شته، خو د خالد اسلامبولي په نامه کس هم شته دی، چې سادات یې وواژه او د ترکیې په پوځ کې د التین تاش په نامه کس هم و، چې د روسیې سفیر یې ترور کړ او لاتراوسه په هر ناورین کې د دغه ډول بېلګو شاهدان یو ...

لښکریان او پوځونه د امت ملکیت دی، نه د حکامو او غرب. امت د هغوی د ملاتړ یوازینۍ تلپاتې سرچینه ده او امت د پوځونو مور او پلار دي. له همدې امله موږ لومړني کسان یو چې له هغوی څخه باید ګټه واخلو، ځان ته یې را جلب کړو او باور یې تر لاسه کړو.

حکامو درک کړې چې د پوځونو د محوري نقش خطر څومره دی؛ له همدې امله د هغوی او دعوت تر منځ خنډ ګرځېدلي دي، ان د نظامي ځواکونو د ګمراه کولو او د امت پر ضد د هغوی د درولو په برخه کې ډېرې هڅې کوي.

اوس د دې وخت را رسېدلی، چې زموږ دعوتګران باید د نظامي ځواکونو اهمیت او نقش درک کړي، چې زموږ امت یې په واک کې دی او د سیمې په کچه تر ټولو ستر او غوره ځواکونه ګڼل کېږي...! همدارنګه د دې وخت را رسېدلی، چې خپل اولادونه بېرته ترلاسه کړو او له هغوی سره په قهر نه، بلکې په مهربانۍ سره چلند وکړو او خپل مخاطب یې کړو.

همدرانګه د فلسطین مبارکه خاوره یوه اشغال شوې او برمته شوې خاوره ده، پر همدغه اساس د جهاد خاوره ګڼل کېږي. د هغې پر وړاندې زموږ مکلفیت دا دی، چې ازاده یې کړو او بېرته یې د اسلام غېږې ته را وګرځوو. دا هغه جهاد دی چې خاورې ازادوي او تېري کوونکي له منځه وړي، نه هغه جهاد چې د پاشل شوي مقاومت په واسطه په مختلفو ځایونو کې پیل شوی دی؛ ان که چېرې دغه مقاومت له ځان څخه دفاع وکړي، له دښمن سره مبارزه وکړي او هغه زخمي کړي، بیا هم د هغه جهاد بدیل نشي کېدای چې اشغال له منځه وړي او عدالت رامنځته کوي. همدارنګه دغه جهاد باید د امت له اولادونو څخه مخلصه رهبري ولري، سپېڅلی بیرغ او نبوي منهج ولري، ترڅو د الله سبحانه وتعالی او د پرښتو د نصرت مستحق شي. یوازې په همدې طریقه فلسطین د حضرت عمر رضی الله عنه لخوا فتحه، د صلاح الدین ایوبي په توره ازاد او د عبدالحمید لخوا وساتل شو؛ الله سبحانه وتعالی دې له دوی څخه راضي شي.

اوسمهال جهاد، بیرغ او رهبري داسې شوي دي، چې ټول مسلمان ماشومان یې پېژني او د طاغوتي حکامو په شتون کې به بېرته رامنځته نه شي؛ هغه حکام چې خاورې یې د غربي ګټو په مقابل کې ګرو کړې دي، د امت او د هغه د نهضت تر منځ یې واټن رامنځته کړی دی او د الهي حاکمیت پر وړاندې خنډ ګرځېدلي دي. په همدغه دلیل د امت د ځواک او قدرت د بېرته راګرځولو یوازینۍ لاره دا ده، چې په عام او خاص ډول اسلامي لښکریان او پوځونه باید په اغېزناکه او ګټوره توګه مخاطب کړل شي، ترڅو د حکامو له منګولو څخه وژغورل شي، د خپل امت ګرمې غېږې ته بېرته راوګرځي او یوه داسي قوي نقشه رسم شي، ترڅو د قدرت له هغو څښتنانو سره چې د نصرت ورکولو تږي دي، د مخلصانه دعوت طرحه همغږې کړي. دا همغږي باید د اسلامي حکومت د رامنځته کېدو لامل شي، د ظلم دوران ختم کړي او په راشده خلافت یې بدل کړي، ترڅو ځمکه پاکه او نفسونه او مالونه خوندي کړي.

 نن ورځ ټول حزبونه، علماء او موسسې ... باید د اسلام عامه افکارو ته مخه کړي او مسلمان افسران باید خپل هدف وګرځوي؛ لکه څنګه چې رسول الله صلی الله علیه وسلم خپل هدف ګرځولي وو او د هغوی په واسطه لومړنی اسلامي دولت تاسیس شو. حکام له دغو عامه افکارو څخه وېره لري او شپه و ورځ د هغو د منحرف کولو او له منځه وړلو لپاره هڅې کوي. دغه عامه افکار د یو ځواک په توګه زموږ په لاس کې دي او ظالمان پرې مسلط کېدلی نشي؛ یعنې کله چې وضعیت د موسی علیه السلام په ګټه بدل شو، نو فرعون ونشو کړلی چې د عامه افکارو پر وړاندې ودرېږي.

اې د قدرت څښتنانو! الله سبحانه وتعالی تاسو ته داسې خطاب کړی دی:

‏‏﴿قَاتِلُوهُمْ يُعَذِّبْهُمُ اللّهُ بِأَيْدِيكُمْ...﴾ [توبه: 14]

‏ژباړه: له هغو کافرانو سره وجنګېږئ، ترڅو الله ستاسو په لاس دوی ته عذاب ورکړي.

او رسول الله صلی الله علیه وسلم داسې دعا کړې ده:

«اللَّهُمَّ ارحَم الأنصَار»

ژباړه: اې ربه! پر انصارو رحم وکړه.

اې لښکریانو او اې پوځونو! تاسو د حکامو اولادونه نه یئ، چې ستاسو په واسطه دې له دښمنانو څخه ساتنه وکړي، بلکې تاسو د خپل دغه لوی امت اولادونه یئ، چې په پای کې د خیر ژمنه ورسره شوې ده. زموږ امت نن ورځ له سختو ناورینونو سره لاس و ګرېوان دی؛ نو په یاد ولرئ چې رسول الله صلی الله علیه وسلم د ناورینونو پرمهال د قدرت څښتنانو ته داسې اواز کړی دی: «اللَّهُمَّ أَعِزَّ الإسلَامَ بِأَحَبَّ الرَّجُلَینِ إِلَیکَ؛ اې ربه! اسلام ته پر دغو دوو کسانو کې په یوه سره، چې ستا خوښ وي، قوت ورکړه!» لکه اوسمهال چې په دغو مصیبتونو کې داسې اواز وکړي: اې ربه! اسلام ته د هغو لښکریانو او پوځونو په مرسته نصرت ورکړه، چې ستا خوښ وي!

نو تاسو دغه لوی عزت او ویاړ ته رابولو او له تاسو څخه غواړو چې په دواړو جهانونو کې بریالي وئ؛ نو څوک شته چې قبول یې کړي؟

د جریدة الرایه له ۴۷۰ ګڼې څخه اخیستل شوی 

لیکوال: الشیخ أحمد الصوفی (أبو نزار الشامی) – ولایه لبنان

ژباړن: صهیب منصور