(ژباړه)

ټرمپ تېره شپه له نتنیاهو سره په کتنه کې د مسلمانانو، قدس او فلسطین پر وړاندې له خپلې ژورې دښمنۍ پرده پورته کړه او د نتنیاهو او د امریکا د ملګرو او پیروانو لخوا په چکچکو سره وهڅول شو. ټرامپ وویل: ما یوه داسې «معامله» برابره کړې چې یهودو او فلسطینیانو ته عدالت تامینوي! خو اصلي خبره یې دا وه چې ټول فلسطین د یهودو دی او فلسطینیان حق نه پکې لري. قدس د یهودو دی، ښارګوټي، نابلس او شاوخوا یې هم د یهودو دي، د اردون لوړې او ورپورې تړلې سیمې هم د یهودو حق دی او فلسطینیان او یهود دې پر پاتې برخو په خپل منځ کې خبرې وکړي؛ فقط ته به وایې چې نور هم کوم ځای پاتې دی! ټرمپ همداراز وویل: له ۷۰ کالو وروسته دا ډېره ښه موکه ده چې فلسطینیان د یوه دولت څښتن شي. ده زیاته کړه: زه مې د حکومت په لومړیو کې په سعودي کې د اسلامي دولتونو له ۵۵ حکامو سره په دې اړه وغږېدم او دوی له ما سره همغږي دي! بیا یې له فلسطینیانو سره ژمنه وکړه چې د معاملې د کېدو په صورت کې به له دوی سره ۵۰ میلیارده ډالر مرسته وکړي. بیا یې وویل: خلافت نور مړ شوی دی. له الله سبحانه و تعالی څخه غواړم چې د ده ژبه ګونګي شي.

باید ووایو: له شک پرته که د اسلامي هېوادونو حکامو له دین، امت او خپلو هېوادونو سره خیانت نه وی کړی، ټرمپ هېڅکله جرات نه کاوه چې د دغې معاملې لپاره داسې مراسم ونیسي او دا ډول بېځایه خبرې وکړي. دغو خبرو دی له یهودو څخه ډېر اشغالګر وښود! داسې وېشل او بښل یې کول چې ته به وایي فلسطین یې خپل ملکیت دی او څنګه یې چې وغواړي وېشي یې. ټول خاین حکام کاڼه، ړانده او ګونګي ناست دي او لکه په قران کریم کې چې راځي (صم بکم عمی فهم لایعقلون)؛ ځینې خو یې ان په دغو مراسمو کې ګډون هم کړی و! ټرمپ باوري و چې دغه خاینان به هېڅکله اعتراض ونه کړي، بلکې لا به خوشاله شي! ځکه یې په جرات خپلو احمقانه خبرو ته دوام ورکړ. ټرمپ داسې فکر کاوه چې د نړۍ اوسنی نظم به همداسې پاتې وي او دغه حکام به تل واکمن وي چې د ده ستاینه وکړي؛ په دې توګه به قدس او فلسطین تل د ده په منګولو کې وي او په خپل کمزوري تفکر به معاملې ورته جوړوي او په خپلو ډالرو به یې پلوري! په دې کې هېڅ شک نشته چې دغه خاین حکام  د مسلمانانو په نظر تر دې ډېر ټیټ دي، چې پر واک دې پاتې شي؛ ځکه چې وخت بدلېږي او ټرمپ ښايي پوه شي چې قدس ډېر وخت د اشغالګرو صلیبیانو په لاس کې و، خو صلاح الدین دغه ځمکه د دوی له چټلۍ پاکه کړه او د الله سبحانه وتعالی په خوښه مسلمانان به هېڅکله داسې نه وي چې بل صلاح الدین دې پکې پیدا نه شي. بل صلاح الدین به پیدا کېږي او په خپلو مټو به د پيغمبر صلي الله علیه وسلم زېري ته تحقق ورکوي، د یهودو دولت به ړنګوي او ملاتړي به یې بېرته خپلو هېوادونو ته ورلېږي، البته که کوم هېواد ورته پاتې و!

خو د ټرمپ دا ادعا چې ګواکي خلافت نو مړ شوی دی، د ده ځان غولول ښیي؛ له شک پرته دی پوهېږي چې مړ شوی خلافت هغه خلافت نه دی چې رسول الله صلي الله علیه وسلم یې زېری ورکړی و؛ دغه خلافت به د الله سبحانه و تعالی په خوښه او د ریښتینو نرانو د مټو په زور هرو مرو راځي. کټ مټ لکه د قسطنطنیې د فتحې په اړه د پیغمبر صلي الله علیه وسلم زېری، چې د محمد فاتح او د ده د لښکر په پیاوړو مټو سره محقق شو. له یهودو سره د جګړې په اړه د ده صلي الله علیه وسلم زېری به هم د اسلامي لښکرو د مټو په زور تحقق پیدا کوي. په صحیح مسلم کې له ابو هریره رضي الله تعالی عنه څخه روایت شوی چې رسول الله صلي الله علیه وسلم فرمایلي:

«لَا تَقُومُ السَّاعَةُ حَتَّى يُقَاتِلَ الْمُسْلِمُونَ الْيَهُودَ فَيَقْتُلُهم الْمُسْلِمُونَ»

ژباړه: قیامت به تر هغه نه راځي چې څو مسلمانانو له یهودو سره جګړه نه وي کړې او هغوی یې وژلي نه وي!

هغه وخت به بیا د دوی اشغالګر رژیم له منځه لاړ شي، د فلسطین مبارکه خاوره به یې له چټلۍ پاکه شي او یو ځل بیا به داراسلام شي. اسلامي امت یو ژوندی امت دی او د اور پر سر یې خوب نه وړي. که ټرمپ، نتنیاهو او د دوی ملګرو او پیروانو داګمان کړی وي چې مسلمانان له دوی څخه بې خبره دي او د مسلمانانو خاین حکام به همداسې پر واک پاتې وي او خلافت به بیا رانه شي، دغه ګومان به دوی د الله سبحانه وتعالی په خوښه هلاک کړي:

﴿وَ ذلِکُمْ ظَنُّکُمُ الَّذي ظَنَنْتُمْ بِرَبِّکُمْ أَرْداکُمْ فَأَصْبَحْتُمْ مِنَ الْخاسِرينَ﴾

[فصلت: 23]

ژباړه: ستاسې همدغه ګومان چې به خپل رب باندې مو کړی و، تاسې هلاک کړئ او د همغه له امله تاسې زیانمن شوئ.

لرې نه ده چې ټرمپ به یې د حکومت له ختمېدو مخکې د مسلمانانو خلیفه وویني او د اسلام له سرتېرو سره د مخ کېدو له وېرې به یې ساه ووځي.

﴿وَلَتَعْلَمُنَّ نَبَأَهُ بَعْدَ حِينٍ﴾

[ص: 88]

ژباړه: او لږ وخت به تېر شي، چې تاسو ته د ده حال پخپله معلوم شي.

اې مسلمانانو او اې د مسلمانانو پوځیانو! د غیرت ملاوې وتړئ، ځکه چې ټرمپ ستاسو پر وړاندې د خپلې دښمنۍ اوج وښود او له یهودو سره د مرستې او د فلسطین د بشپړ اشغال لپاره یې خپله جنایتکاره معامله اعلان کړه. نو د دغه جنایت ځواب باید دا وي، چې په خپل ټول زور یې پر وړاندې ودرېږو او نېشونه یې ور پرې کړو؛ دا کار هغه وخت کېږي چې د یهودو مسخه شوی رژیم له منځه یوسو او فلسطین خپل کړو. د ټرمپ معاملې ته دا ډول ځواب له اوسنیو خاینو حکامو سره شونې نه ده؛ دا ځواب یوازې د غزې په تړانګه کې پر مقاومت نه ورکول کېږي؛ که څه هم دا مقاومت هر څومره ډېر او ټینګ شي. دا خبره چې د فلسطین مسله یوازې د فلسطینیانو ده، د دې سبب کېږي چې فلسطین په لوی لاس دښمن ته پرېږدو. واقعیت دا دی چې د فلسطین قضیه شرعاً د ټولو عربو او د نړۍ د نورو مسلمانانو قضیه ده. همداراز دغه ځواب په تشو چغو وهلو هم شونی نه دی؛ دا چغې که هر څو په لوړ غږ هم وي؛ ځکه چې مسلمانانو یوازې هغه وخت چغې وهلې چې لښکر به یې د جګړې میدان ته لاړ، هغه چغې به د لښکر د هڅونې لپاره وې. نو له دغو مواردو څخه یو یې هم نه شي کولی چې د یهودو رژیم له منځه یوسي؛ ښه او ګټورځواب دا دی چې ټول دولتونه خپلې لښکرې د یهودو دولت د جرړو ایستلو لپاره راروانې کړي؛ ځکه چې یهودو فلسطین اشغال کړی، دلته یې ځانته دولت جوړ کړی او د اسلامي هېوادونو خاینو حکامو هم په دغه کار کې مرسته ورسره کړې؛ نو دا رژیم تر هغه له منځه نه ځي، ترڅو چې اسلامي لښکرې ورته رانه شي. نو هغه ځواب چې کولی شي دغه وجیبه په ښه توګه ترسره کړي، لاندې دوه مورده دي:

لومړی: د خلافت په تاسیس سره د اسلامي ژوند د پیل لپاره په جدي هڅو او فعالیتونو کې ونډه اخیستل دي. دغه خلافت به اسلامي لښکرو ته له یهودو سره د جګړې امر وکړي، د یهودو دولت به له منځه یوسي او فلسطین به بېرته په بشپړه توګه د مسلمانانو خاوره کړي.

دویم: دا مورد زموږ په اوسني واقعیت پورې اړه لري، چې هغه د خلافت نشتون دی. پر دې باید پوه شو چې له کفارو، په ځانګړي ډول اشغالګرو سره جګړه د خلافت په شتون یا نشتون پورې اړه نه لري؛ بلکې له کفارو سره جګړه د مسلمانانو د حاکم وجیبه ده؛ هغه که د مسلمانانو خلیفه وي او یا هغه مسلمان حاکم چې د اسلام پر اساس حکومت نه کوي. نو د اسلامي لښکرو وجیبه دا ده چې له یهودو سره د جګړې او د دوی د دولت د له منځه وړلو لپاره پورته شي. که له دغو حاکمانو نه کوم یوه یې د یهودو پر لور د لښکرو له حرکت سره موافقه وکړه، ښه کار یې کړی؛ خو که یې پر وړاندې ودرېد او پرې یې نه ښودل، نو باید صلاح الدینان راپورته شي؛ ترڅو دغه ډول حکام تر پښو لاندې کړي، د مسلمانانو د لښکرو مشري پر غاړه واخلي او دغه پاکه ځمکه د یهودو له نجاسته پاکه کړي. کټ مټ لکه صلاح الدین ایوبي چې دغه ځمکه یې د صلیبیانو له نجاسته پاکه کړه. 

تر ټولو ښه ځواب همدا دی! نو هغوی چې د ټرمپ معاملې ته په غوسه دي، د یهودو له رژیمه کرکه کوي او غواړي له منځه یې یوسې او فلسطین بېرته د مسلمانانو کړي، نو باید پر همدغه لار لاړ شي. دغه کسان باید په دغه لار کې په صداقت، پر خدای په توکل او صبر سره خپلې لارې ته دوام ورکړي. ﴿لِمِثْلِ هَذَا فَلْيَعْمَلِ الْعَامِلُونَ﴾ [صافات: 61]

په پای کې باید ووایو: حزب‌التحریر لکه څنګه چې د ټرمپ د معاملې ځواب یې درته واضح کړ، په عین حال کې پر مسلمانانو او اسلامي لښکرو غږ کوي چې:  

مسلمانانو ته؛ پورته ذکر شوي کارونه جدي ونیسئ او عمل پرې وکړئ؛ له موږ سره یو ځای په صداقت او اخلاص د الله سبحانه وتعالی د ژمنې او رسول الله صلي الله علیه وسلم د زېري د تحقق په لار کې کار وکړئ.

﴿وَعَدَ اللَّهُ الَّذِينَ آمَنُوا مِنْكُمْ وَعَمِلُوا الصَّالِحَاتِ لَيَسْتَخْلِفَنَّهُمْ فِي الْأَرْضِ﴾

 [نور: 55]

ترجمه:  الله ستاسو له هغو کسانو سره چې ایمان راوړي او ښه عملونه وکړي، ژمنه کړې چې هغوی به په ځمکه کې خلیفه‌ګان وګرځوي... .

احمد یې په مسند کې له حذیفه رضي الله تعالی عنه څخه روایت کوي، چې رسول الله صلي الله علیه وسلم فرمایي:

«ثُمَّ تَكُونُ مُلْكاً جَبْرِيَّةً فَتَكُونُ مَا شَاءَ اللَّهُ أَنْ تَكُونَ ثُمَّ يَرْفَعُهَا إِذَا شَاءَ أَنْ يَرْفَعَهَا ثُمَّ تَكُونُ خِلَافَةً عَلَى مِنْهَاجِ النُّبُوَّةِ»

ترجمه: «بیا به جبریه ملکونه جوړېږي او تر هغه به دوام کوي چې الله وغواړي او کله چې هغه (سبحانه و تعالی) وغواړي هغه به له منځه یوسي؛ بیا به د نبوت پر منهج خلافت وي.

 په اسلامي لښکرو غږ کوو او له هغوی غواړو چې پورته ذکر شوو خبرو ته په خپل کار کې لومړیتوب ورکړي، همداراز له دوی څخه غواړو چې د بشر په لاس جوړو شوو نظامونو د بدلون او د نبوت پر منهج خلافت د تاسیس لپاره موږ ته نصرت راکړي. په دې سره به مسلمانان خپل له لاسه ورکړی عزت او قدرت بیا لاسته راوړي او همداراز د هغو کسانو سیرت بیا راژوندی کړي، چې رسول الله صلي الله علیه وسلم ته یې نصرت ورکړی و. دا هغه انصار و چې الله سبحانه وتعالی یې نوم د قران کریم په ایتونو کې راوړی او هغه چې د دوی د سردار، سعد بن معاذ رضي الله تعالی عنه جنازې ته ملایکې راښکته شوې وې. ترمذي له انس بن مالک څخه روایت کوي چې رسول الله صلي الله علیه وسلم د سعد بن معاذ د جنازې په اړه فرمایلي: «جنازه یې ملایکو وړله» نو هغوی تر ټولو غوره انصار وو او څوک چې د هغو پر لار ځي، هغوی به هم تر ټولو غوره وي.

﴿هَذَا بَلَاغٌ لِلنَّاسِ وَلِيُنْذَرُوا بِهِ وَلِيَعْلَمُوا أَنَّمَا هُوَ إِلَهٌ وَاحِدٌ وَلِيَذَّكَّرَ أُولُو الْأَلْبَابِ﴾

 [ابراهیم: 52]

ترجمه: دا (قران) د ټولو انسانانو لپاره یو پیغام دی او د دې لپار لېږل شوی چې هغوی خبر شي او وپوهېږي چې په حقیقت کې خدای جل جلاله یو دی او څوک چې پوهه لري هغوی متوجه شي.

 حزب التحریر

 (ژباړه)

 ستر عالم او د حزب التحریر امیر شیخ عطا ابن خلیل ابو الرشته هغه غوره امت چې د خلکو د هدایت او دعوت لپاره مامور شوی، نېکو او غوره دعوتګرو او په مجازي نړۍ کې د خپلو پاڼو لیدونکو ته بیان وړاندې کړ، چې پکې راغلي دي: «د ملتونو په تاریخ کې داسې ځلېدونکې ورځې هم شته، چې ملتونه ورباندې ویاړي؛ نو دا به څه ډول وي، که چېرې همدغه ورځې د رسول الله صلی الله علیه وسلم د زېریو د تحقق ورځې وي؟ په رښتیا هم چې دا ډول ورځې په اسمان کې د ځلېدونکو ستورو په څېر دي، حتا د هغه لمر په شان دي چې نړۍ یې رڼا کړې او امت یې د اسمان تر لوړو لمنو رسولی دی. له هغو ورځو څخه ځینې مبارکې ورځې همدغه د قسطنطنیې د فتحې د یاد ورځې دي.»

وړاندې تر دې چې د بیان په تحلیل او ارزونه پیل وکړو او معنوي اړخ ته یې داخل شو، غواړم ووایم چې د دغه بیان ویونکی نه تاریخ څېړونکی دی، نه یوازې عالم او نه هم استاد، که څه دغه صفات او ځانګړتیاوې د هغه په شخصیت کې نغښتې دي. هغه یو لوی رهبر دی چې د یوې داسې ناوسلوالې ډلې مشري پر غاړه لري، چې په معاصر تاریخ کې یې ساری نه لیدل کېږي. هغه د یوې سیاسي ډلې امیر دی، چې مبدا او اساس یې اسلام جوړوي او د هغه اسلامي ژوند د راګرځولو هڅه کوي، چې له کلونو راهیسې ګډوډ شوی دی. د اسلامي ژوند را ګرځول یوازې هغه وخت امکان لري، چې د نړۍ مسلمانان د خلافت دولت ته کار وکړي او تاسیس یې کړي. هغه به په الهي شریعت سره حکم کوي او د الله سبحانه وتعالی دین به ټولې نړۍ ته د دعوت او جهاد له لارې لېږدوي.

دغه بیان د سترې پېښې په یاد کې د لوی عالم ارزښتمنې خبرې دي؛ ځکه هغه پېښه چې قدرمن امیر د هغې د یاد په اړه موږ ته خبرې کولې، د رسول الله صلی الله علیه وسلم له زیري سره ټینګه اړیکه لري. احمد له عبدالله ابن عاص رضی الله عنه څخه روایتوي، چې ویل یې: «په داسې حال کې چې موږ د رسول الله صلی الله علیه وسلم شاوخوا ته ناست وو او لیکل مو کول. یوه تن له رسول الله صلی الله علیه وسلم څخه پوښتنه وکړه: کوم یو ښار به ژر فتح کېږي، قسطنطینه او که روم؟ رسول الله صلی الله علیه وسلم وفرمایل:

«مَدِينَةُ هِرَقْلَ تُفْتَحُ أَوَّلاً، يَعْنِي قُسْطَنْطِينِيَّةَ»

ژباړه: هِرَقل، یعنې د قسطنطنیې ښار به لومړی فتحه کېږي.

همداراز په یو بل حدیث کې عبدالله ابن بِشر ابن خثعمي له خپل پلار څخه روایتوي، چې پلار یې له رسول الله صلی الله علیه وسلم څخه اورېدلي:

«لَتُفْتَحَنَّ الْقُسْطَنْطِينِيَّةُ فَلَنِعْمَ الْأَمِيرُ أَمِيرُهَا وَلَنِعْمَ الْجَيْشُ ذَلِكَ الْجَيْشُ»

ژباړه: قسطنطنیه به ضرور فتحه کېږي، څومره نېک امیر به یې وي او څومره غوره اردو به یې وي.

اوس به په څو ټکو کې د وینا پر اصلي موضوع تم شو:

لومړی ټکی: په نړیوالو دریځونو او بریالیتوبونو کې د صحابه وو رضی الله عنهم اجمعین لیدلوری په پوره توګه له نړیوال دریځ څخه برخمن نه و، ځکه دوی د هغه کوچني دولت اتباع کڼل کېدل چې دولتي اساسات یې ساده او نسبي وو. دوی هغه مهال له هېڅ داسې دولت سره نظامي شخړه نه وه کړې، چې د دولت په منځ کې یې دې د اړیکو جوړښت تعریف کړی وي؛ خو مسلمانو چارواکو په خپلو نه ستړې کېدونکو هڅو سره اسلام د بشر د لارښوونې لپاره د نړۍ څلورو خواوو ته خپور کړ.

دویم ټکی: رسول الله صلی الله علیه وسلم د صحابه وو او قوماندانانو په روزنه کې قوي رول درلود، په همدې توګه له هغه صلی الله علیه وسلم وروسته د قوماندانو او رهبرانو لپاره علما او پوهانو شتون درلود، چې هغوی ته به یې د مشاورینو او لوړنیو کسانو په څېر هویت ورکاوه. له دغو رهبرانو څه یو هم محمد فاتح دی، چې د احمد ابن اسماعیل کوراني او شیخ آق شمس الدین په څېر له لویو علماوو سره نژدې پاتې شوی دی او د هغه په شخصیت جوړونه کې دوی بې ساری رول درلود.

درېیم ټکی: د وسایلو د استعمال په برخه کې د یو رهبر هڅه او جدیت مهم دی. محمد فاتح دغه ټکی د جنګي کلاوو په جوړولو، د توپونو په برخه کې له انجنیرانو څخه په ګټه اخیستلو، د وچې له لارې د دښمن د دفاعي لیکو تر شا د کیښتیو په لېږد او د قسطنطنیې د فتحې لپاره د ټولې نظامي فضا په تیارولو کې وکاراوه. خو زموږ اوسني علما او پوهان بیا برعکس؛ چارواکي ورته پاملرنه نه کوي، نو ځکه غربیان راځي او له هغوی څخه د خپل علمي پرمختګ په برخه کې ګټه اخلي.

څلورم ټکی: د قسطنطنیې پر وړاندې له لومړۍ جګړې راهیسې چې ابو ایوب انصاري رضی الله عنه هم پکې ګډون کړی و، د هغې تر فتحې یعنې ۸۵۷هـ.ق کال پورې له ۸۰۰ کلونو ډېر وخت تېر شو؛ خو دا په حقیقت کې د رسول الله صلی الله علیه وسلم د نبوت یوه نښانه ده او همداراز دا په ډاګه کوي چې د ریري د عملي کېدو یا را رسېدلو په برخه کې وخت مهم نه دی. په همدې توګه د فتحې او هغې ته د تیاري تر منځ یوازې دوې میاشتې وخت ونیول شو او له دې څخه ښکاري چې فتحه او بریالیتوب یوازې د الله سبحانه وتعالی په هغه نصرت او توفیق پورې تړاو لري، چې خپلو مومنو بندګانو ته یې ورکوي. الله سبحانه وتعالی فرمایي:

﴿إِنَّا لَنَنصُرُ رُسُلَنَا وَالَّذِينَ آمَنُوا فِي الْحَيَاةِ الدُّنْيَا وَيَوْمَ يَقُومُ الأَشْهَادُ﴾

ژباړه: له شک پرته زه له خپلو پالونکو او هغو کسانو سره چې ایمان یې راوړی، په دواړو حالتونو کې مرسته کوم، هم په دنیا او هم په هغه ورځ چې شاهدان به راپورته کېږي.

پنځم ټکی: د فتحې، بریالیتوب او د الله سبحانه وتعالی د قدرت څرګندېدو پرمهال سجده کول په حقیقت کې د الله سبحانه وتعالی بندګي ښيي، چې هغه رب الارباب او مسبب الاسباب دی. ﴿وَمَا النَّصْرُ إِلاَّ مِنْ عِندِ اللّهِ الْعَزِيزِ الْحَكِيمِ﴾ (نصرت او بریالیتوب یوازې د برلاسي او حکیم الله سبحانه وتعالی لره دي.) دا د هغو هوسونو په څېر نه دي، چې کله په سپورتي ډګرونو کې خیالي بریالیتوبونه په لاس راوړي، بیا چیغې وهي او خوشحالۍ کوي، اورلوبې پیلوي، نندار لیک او نندارتونونه جوړوي او د بې عقلو کسانو په شان د ګډا او نڅا مجلسونه جوړوي. دوی په حقیقت کې هغه کسان دي چې په دنیا کې ناروا لارو ته هڅې کوي او دوی فکر کوي چې نېک کار یې ترسره کړی دی.

شپږم ټکی: کله چې مسلمانان د قدرت خاوندان وو، زیات شمېر فقهِ ځایناستو، د الګو نیولو کسان او هجومي جهاد شتون درلود. دا پروسه د نبوت له تړون څخه پیل شوه، د لومړي راشده خلافت پرمهال هم روانه وه او په غاښونو د قدرت نیوونکو پاچاهانو تر پایه یې دوام درلود. کله چې عثماني خلافت ړنګ شو، نو فقهِ کسان په پراخه کچه کمزوري شول او مسلمانانو هجومي پرځای دفاعي جهاد ته مخه کړه او خپل دغه کار ته یې «د اتلانو سوله» نوم ورکړ. همدارنګه هغه کسانو چې استوګنځی نه درلود روژه به یې نیوله، د کړاوونو او ستونزو پر مهال یوازې پر لمانځه تکیه کېده، د مسلمانانو په سرحدونو کې قاچاق کوونکو او لوټمارانو ته بډې ورکول هم زیات شول څو کافر دښمنان ورېښمن غصب نکړي. دا او د دې په څېرې نور مسایل هغه مهال رامنځته شول، چې خلافت دولت ړنګ شو. د مسلمانانو قدرت د ځمکې له سر څخه ختم شو او کفار د هغوی پر خاورو، شتمنیو او عقلونو باندې واکمن شول.

اووم ټکی: د تاریخ په دغه چټل ډنډ کې چې اسلامي امت پکې دوب شوی و، حزب التحریر سر را پورته کړ؛ ترڅو د دغه امت له لاسه وتلی عزت بېرته را وګرځوي او په امت کې له سره یو ځل بیا فکر، فقه، اصول او سیاست را ژوندي کړي. له همدې امله یې ځان وقف کړ، ترڅو له امت سره یو ځای د خلافت د تاسیس لپاره کار وکړي. وروسته له هغې چې حزب په دغه سخته او اغزنه لاره کې اوږد مزل وکړ او په اسلامي خاورو کې د امت د وښتیا ځینې نښې راښکاره شوې او د خلافت تاسیس ته له دوو لېندیو کمه فاصله پاتې شوه؛ نو د غرب او د هغوی د لاسپوڅو چارواکو لېونتوب په ډېرېدو شو. دوی د حزب او د هغه د شبابو پر وړاندې دسیسې او توطیې جوړې کړې. دوی په عامو خلکو، ژمنه ماتوونکو او هغو کسانو کې چې حزب یې پرېښی و، جزایي شوي او منزوي شوي وو، داسې کسان را پیداکړل چې د دوی خبرو ته به یې غوږ اېښی و. په دې توګه دوی هڅه کوله چې د حزب د شبابو په هوډ کې سستي او درځ رامنځته کړي او هغوی له خپلو جدي او دایمي فعالیتونو څخه منعه کړي؛ خو د حزب د شبابو قوت او نظم د دوی د ناوړه پلانونو او شیطاني کړنو مخه ډپ کړه.

اتم ټکی: نن ورځ موږ د نبوت پر تګلاره د دویم راشده خلافت د تاسیس پر دروازو ولاړ یو او د الله سبحانه وتعالی د رحمت ورېدو او نصرت ته په تمه یو. موږ پر الله سبحانه وتعالی نېک ګومان لرو، چې موږ ته د رسول الله صلی الله علیه وسلم د زېریو په تحقق سره عزت را وبښي. پر دې سربېره روم زموږ په لاسونو سره فتحه شي، ترڅو د الله سبحانه وتعالی په مرستې سره خپل بیراغونه پر دغو سیمو ورپوو. موږ د فلسطین د ازادۍ او له یهودو سره د جګړې په تړاو د رسول الله صلی الله علیه وسلم د زیري پر تحقق پوره باور لرو او ډېر ژر به په بیت المقدس کې له هغې وروسته چې د الله سبحانه وتعالی په مرسته د دار الاسلام مرکز شي، د لارښوونکي بیعت شاهدان وو.

په پای کې د الله سبحانه وتعالی دربار ته د عاجزۍ لاسونه لپه کوو، چې د رسول الله صلی الله علیه وسلم د زیریو د عملي کېدو چارې پیل شي او دغه زیري یو پر بل پسې د عمل جامه واغوندي. په دې توګه به د دغه امت د خلافت د راوستو شاهدان وو او بیا به ورپسې د دغه امت قدس ازاد کړو. له دې څخه وروسته به د بیزانس په شان روم هم فتحه کړو او په دې ترتیب سره به د رسول الله صلی الله علیه وسلم احادیثو ته د عمل جامه ور واغستل شي. همداراز له الله سبحانه وتعالی څخه غواړو چې زموږ مرسته وکړي، ترڅو خپل کار په احسان او نېکۍ سره وکړو او د الله سبحانه وتعالی د نصرت وړ وګرځو.

﴿و یومئذ یفرح المومنون بنصر الله ینصر من یشاء و هو العزیز الرحیم﴾

لیکوال: استاد رولا ابراهیم

سرچینه: رایه جریده