Vichwa vya Habari: 23/03/2022

Vichwa vya Habari:

• Wasaudi Wakubali Malipo ya Yuan kwa Mafuta

• Makombora ya Iran Yashambulia Iraq

• Ripoti Isiyojulikana Chanzo Chake Yaonyesha CIA Ilitumtumia Mfungwa kama Nguzo ya Mafunzo ya Mateso

• Al-Assad Afanya Ziara ya Kihistoria nchini UAE

Maelezo:

Wasaudi Wakubali Malipo ya Yuan kwa Mafuta

Saudi Arabia imefichua kuwa inazingatia kukubali Yuan ya China badala ya Dolari kwa mauzo ya mafuta. Mazungumzo kati ya Riyadh na Beijing yamekuwa yakiendelea kwa miaka mingi lakini yameongezeka mwaka huu huku Wasaudi wakizidi kutokuwa na furaha na Marekani. Wasaudi wamekasirishwa na ukosefu wa msaada wa Amerika nchini Yemen na juu ya makubaliano ya nyuklia ya utawala wa Biden na Iran. Maafisa wa Saudia wamesema wameshangazwa na kitendo cha Marekani kujiondoa ghafla kutoka Afghanistan mwaka jana. Itakuwa mabadiliko makubwa kwa Saudi Arabia kwa bei ya mauzo ya mafuta nje kwa kitu chengine chochote badala ya dolari. Asilimia 80 ya mauzo ya mafuta duniani hufanywa kwa dolari, na Wasaudi wamefanya biashara ya mafuta kwa dolari pekee tangu 1974. Mienendo ya uhusiano wa Amerika na Saudi inabadilika. Rais Biden, alisema katika kampeni ya 2020 kwamba ufalme huo unapaswa kuwa "wazi" kwa mauaji ya mwandishi wa habari wa Saudi Jamal Khashoggi mnamo 2018.

Uhusiano wa kiuchumi wa Marekani na Saudi pia unafifia. Marekani sasa ndio mzalishaji mkubwa wa mafuta duniani, sio Saudi Arabia. Kinyume chake, China sasa ndio mteja nambari moja wa Saudi Arabia anayenunua robo ya mafuta ya Saudia.

Makombora ya Iran Yashambulia Iraq

Iran ilidai kuhusika na shambulizi la kombora lililotokea mapema Jumapili tarehe 13 Machi, karibu na jumba kubwa la ubalozi mdogo wa Marekani katika mji wa Erbil, kaskazini mwa Iraq. Maafisa wa Iran walisema ulikuwa ni ulipizaji kisasi kwa shambulizi la 'Israel' nchini Syria ambalo liliua Walinzi wake wawili wa Mapinduzi. Walinzi wa Mapinduzi wa Iran walisema kwenye tovuti yao kwamba walianzisha mashambulizi dhidi ya "kituo cha kimkakati wa upangaji njama" cha 'Israel' huko Erbil. Shambulizi hilo lilifanyika huku mazungumzo ya nyuklia yakifikia matunda na inaonekana kana kwamba shambulizi hilo lilifanyika ili kuathiri masharti ya mwisho.

Ripoti Isiyojulikana Chanzo Chake Yaonyesha CIA Ilitumtumia Mfungwa kama Nguzo ya Mafunzo ya Mateso

Nyaraka mpya zisizojulikana chanzo chake zimeufichua mfungwa mmoja mweusi wa CIA ambaye alihudumu kama nguzo ya mafunzo ya kuwafundisha wahoji mbinu za kutesa. Ammar al-Baluchi alipigwa ukutani mara kwa mara akiwa uchi hadi wanafunzi wote walipopata 'cheti.' Maelezo ya kuteswa kwa Ammar al-Baluchi yamo katika ripoti ya mwaka 2008 ya mkaguzi mkuu wa CIA, iliyotangazwa hivi karibuni kama sehemu ya kesi iliyowasilishwa na mahakama. mawakili wake walilenga kumfanyia uchunguzi huru wa kimatibabu. Baluchi, mwenye umri wa miaka 44 wa Kuwaiti, ni mmoja wa washtakiwa watano mbele ya mahakama ya kijeshi ya Guantánamo Bay walioshtakiwa kwa kushiriki katika njama ya  9/11, lakini kesi hiyo imekuwa katika vikao vya kabla ya kusikilizwa kwa kesi kwa miaka 10, kwani ushahidi ulipatikana kupitia mateso. Mbinu ya "kupigwa ukutani" iliidhinishwa na miongozo ya "mbinu iliyoboreshwa ya kuhoji" iliyotumwa na makao makuu ya CIA. Ripoti ya mkaguzi mkuu pia ilihitimisha kuwa matibabu ya Baluchi hayakutoa ujasusi wowote muhimu.

Al-Assad Afanya Ziara ya Kihistoria nchini UAE

Katika mabadiliko makubwa ya bahati, kiongozi wa Syria Bashar al-Assad alifanya ziara ya kihistoria nchini UAE wiki hii, ziara yake ya kwanza katika zaidi ya muongo mmoja. Alipigwa picha na familia ya kifalme akiripotiwa kujadili jinsi UAE inaweza kutoa msaada wa kisiasa na kibinadamu kwa Syria, na pia jinsi ya kukuza biashara ya kiuchumi kati ya mataifa hayo. Huku Syria ikiwa magofu na huku uongozi wa Damascus ukitengwa katika miaka ya hivi karibuni, uhusiano na ulimwengu mpana wa Kiarabu unaboreka hatua kwa hatua, huku UAE ikiongoza juhudi hizo. Mnamo 2018 UAE ilifungua tena ubalozi wake katika mji mkuu wa Syria, Damascus, na mnamo Novemba mwaka jana, wanadiplomasia walitumwa huko kukutana na Rais Assad.

Kuimarika huku kwa uhusiano kunaipa nguvu serikali ya Bw Assad, ambayo imelemazwa na vikwazo na vita.